January 23, 2022
January 23, 2022
ദോഹ : ഖത്തർ കെ.എംസി.സി സ്പോർട്സ് കമ്മിറ്റി സംഘടിപ്പിക്കുന്ന രണ്ടാമത് കായികോത്സവത്തിന് തുടക്കം കുറിച്ചുകൊണ്ടുള്ള 5'S ഫുട്ബോൾ ടൂർണമെൻറ് പോസ്റ്റർ പ്രകാശനം നടന്നു. ശനിയാഴ്ച്ച രാത്രി 8 മണിക്ക് കെ എം സി സി ഓഫീസിലാണ് പ്രകാശനചടങ്ങ് നടന്നത്. കോവിഡ് പ്രോട്ടോകോൾ പൂർണമായും പാലിച്ചുകൊണ്ട് നടത്തിയ പരിപാടിയിൽ ഖത്തർ കെ.എം.സി.സി ഭാരവാഹികളും സ്പോർട്സ് കമ്മിറ്റി ഭാരവാഹികളും പങ്കുചേർന്നു.
പോസ്റ്റർ പ്രകാശനം സിറ്റി എക്സ്ചേഞ്ച് CEO ഷറഫ് പി ഹമീദ് നിർവഹിച്ചു. ആദ്യത്തെ രജിസ്ട്രേഷൻ ഖത്തർ കെ എം സി സി സ്റ്റേറ്റ് പ്രസിഡൻറ് എസ് എം ബഷീർ സാഹിബാണ് നടത്തിയത്. മാർച്ച് ആദ്യവാരത്തിൽ കോവിഡ് പ്രോട്ടോക്കോളുകൾ പാലിച്ചുകൊണ്ടാണ് മത്സരം നടത്താൻ തീരുമാനിച്ചിട്ടുള്ളത്. പരിപാടിക്ക് സ്റ്റേറ്റ് സ്പോർട്സ് കമ്മിറ്റിയുടെ ചെയർമാൻ സിദ്ദിഖ് വാഴക്കാട് അധ്യക്ഷത വഹിച്ചു. കൺവീനർ ഇബ്രാഹിം സ്വാഗതവും വൈസ് ചെയർമാൻ മുനീർ നന്ദി അർപ്പിക്കുകയും ചെയ്തു.