November 11, 2021
November 11, 2021
പ്രശസ്തസംഗീത സംവിധായകൻ എആർ റഹ്മാന്റെ മകൾ ഖദീജ റഹ്മാന് അന്താരാഷ്ട്ര സംഗീത പുരസ്കാരം. മികച്ച ആനിമേറ്റഡ് വീഡിയോയ്ക്കുള്ള ഇന്റർനാഷണൽ സൗണ്ട് ഫ്യൂച്ചർ പുരസ്കാരത്തിന് ഖദീജയുടെ ഫരിശ്തോ എന്ന സംഗീതആൽബം തിരഞ്ഞെടുക്കപ്പെടുകയായിരുന്നു. സമൂഹമാധ്യമങ്ങളിലൂടെ റഹ്മാൻ തന്നെയാണ് വാർത്ത പുറത്തുവിട്ടത്.
ഖദീജയുടെ ആദ്യസംഗീതസംരംഭമായ ഫരിശ്തോയുടെ നിർമ്മാണം നിർവഹിച്ചിരിക്കുന്നത് റഹ്മാൻ തന്നെയാണ്. മുന്ന ഷൗക്കത്താണ് വരികൾ രചിച്ചത്. കഴിഞ്ഞ വർഷം ഒക്ടോബറിലാണ് ഗാനം പുറത്തിറങ്ങിയത്. പലനാടുകൾ താണ്ടി യാത്ര ചെയ്യുന്നൊരു പെൺകുട്ടിയുടെ ശാന്തിക്കായുള്ള പ്രാർത്ഥനയാണ് ആൽബത്തിന്റെ ഇതിവൃത്തം.