December 07, 2021
December 07, 2021
ദോഹ : ലെക്സസ് തുണി വ്യവസായത്തിന്റെയും ബോംബെ സിൽക്ക് സെന്ററിന്റെയും സ്ഥാപകനായ ഇന്ത്യൻ വ്യവസായിയായ ബേക്കൽ സ്വദേശി മുഹമ്മദ് സാലിഹ് ഹാജിയെ ആദരിച്ചു. പ്രവാസരംഗത്ത് അൻപത് വർഷം പൂർത്തിയാക്കിയ ഇദ്ദേഹത്തെ ഒയാസിസ് ക്ലബ്ബിലാണ് ആദരിച്ചത്. വ്യവസായ രംഗത്തെ നിരവധി പ്രമുഖർ ചടങ്ങിൽ പങ്കെടുത്തു.
1971 ഡിസംബറിലാണ് സാലിഹ് ആദ്യമായി ഖത്തറിൽ എത്തിയത്. തുടക്കത്തിൽ പല വ്യവസായങ്ങളും പരീക്ഷിച്ച് പരാജയപ്പെട്ട ഇദ്ദേഹം ഒടുവിൽ ഫാഷൻ രംഗത്ത് എത്തിപ്പെടുകയായിരുന്നു. 1500 തൊഴിലാളികളാണ് നിലവിൽ ഇദ്ദേഹത്തിന്റെ കീഴിൽ ജോലി ചെയ്യുന്നത്. ജപ്പാൻ, ഇന്ത്യ, ഇംഗ്ലണ്ട്, ഖത്തർ തുടങ്ങി നിരവധി രാജ്യങ്ങളിലാണ് നിലവിൽ ഇദ്ദേഹത്തിന്റെ വ്യവസായം വ്യാപിച്ചുകിടക്കുന്നത്.