March 05, 2022
March 05, 2022
ദോഹ : മസ്തിഷ്കാഘാതത്തെ തുടർന്ന് ചികിത്സയിൽ കഴിഞ്ഞിരുന്ന കണ്ണൂർ സ്വദേശി നിര്യാതനായി. മട്ടന്നൂർ പനയത്താംപറമ്പ് എൽ. പി സ്കൂളിന് സമീപം, പരേതനായ സി.പി. കുഞ്ഞിരാമന്റെയും കെ. നാരായണിയുടെയും മകൻ സുമേഷ് കാവുങ്ങലാണ് മരിച്ചത്. 48 വയസായിരുന്നു.
പത്ത് ദിവസം മുൻപാണ് സുമേഷിന് മസ്തിഷ്കാഘാതം സംഭവിച്ചത്. തുടർന്ന്, ഹമദ് മെഡിക്കൽ കോർപറേഷനിൽ ചികിത്സയിൽ കഴിയവെയാണ് മരണം. കഴിഞ്ഞ 17 വർഷമായി ഖത്തറിൽ പ്രവാസ ജീവിതം നയിക്കുന്ന സുമേഷ്, സ്വകാര്യ കമ്പനിയിൽ ഹെവി വെഹിക്കിൾ ഡ്രൈവറാണ്. നടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിച്ചു.
ഭാര്യ : സന്ധ്യ
മക്കൾ : ആദിദേവ്, ആയുഷ്ദേവ്