February 12, 2022
February 12, 2022
ദോഹ : ഇടുക്കി ജില്ലയിലെ ബാലഗ്രാം സ്വദേശിയായ ഹാഷിം അബ്ദുൾ ഹഖ് ഖത്തറിൽ മരണമടഞ്ഞു. 32 വയസായിരുന്നു. അൽക്കീസയിലെ താമസസ്ഥലത്ത് വെച്ചാണ് ഹാഷിം മരണപ്പെട്ടത്. മരണകാരണം വ്യക്തമല്ല.
അക്രോ ബാറ്റ് ലിമോസിൻ കമ്പനിയിൽ ഡ്രൈവറായി സേവനമനുഷ്ഠിച്ചു വരികയായിരുന്നു. അവിവാഹിതനായ ഹാഷിം, അഞ്ച് വർഷങ്ങൾക്ക് മുൻപാണ് ഒടുവിലായി നാട് സന്ദർശിച്ചതെന്ന് സുഹൃത്തുക്കൾ അറിയിച്ചു. 10 വർഷം മുൻപാണ് ഇയാൾ ഖത്തറിൽ ജോലിക്കെത്തിയത്. അബ്ദുൾ ഹഖ് - റൈഹാനത്ത് ദമ്പതികളുടെ മകനാണ്. നടപടിക്രമങ്ങൾ പൂർത്തിയാക്കിയതിന് ശേഷം മൃതദേഹം ഖത്തറിൽ തന്നെ ഖബറടക്കും.