October 29, 2021
October 29, 2021
കന്നഡ സിനിമാ രംഗത്തെ സൂപ്പർസ്റ്റാറായ പുനീത് രാജ്കുമാർ അന്തരിച്ചു. ജിമ്മിൽ വ്യായാമം ചെയ്യുന്നതിനിടെ അസ്വസ്ഥത പ്രകടിപ്പിച്ച താരത്തെ ആശുപത്രിയിൽ പ്രവേശിപ്പിച്ചതിന് പിന്നാലെയാണ് മരണം. ചികിത്സയിലിരിക്കെ ഹൃദയാഘാതം സംഭവിക്കുകയായിരുന്നുവെന്ന് ഇദ്ദേഹത്തിന്റെ പേഴ്സണൽ മാനേജരായ സതീഷ് മാധ്യമങ്ങളെ അറിയിച്ചു.
കന്നഡ സിനിമയിലെ ഇതിഹാസമായ രാജ്കുമാറിന്റെ മകനായ പുനീത് കൈക്കുഞ്ഞായിരിക്കുമ്പോൾ തന്നെ അഭിനയരംഗത്ത് അരങ്ങേറിയിരുന്നു. 2002 ൽ പുറത്തിറങ്ങിയ അപ്പു എന്ന ചിത്രത്തിലാണ് പുനീത് നായകനായി അരങ്ങേറിയത്. 'ഹു വാണ്ട്സ് ടു ബി ബില്യണയർ' എന്ന അന്താരാഷ്ട്ര ടെലിവിഷൻ ഷോയുടെ കന്നഡ പതിപ്പായ 'കന്നഡാഡ കോടിയാതിപതി' എന്ന പ്രോഗ്രാമിലെ അവതാരകനായും പുനീത് തിളങ്ങിയിരുന്നു. കന്നഡ സിനിമയിൽ ഏറ്റവുമധികം പ്രതിഫലം വാങ്ങുന്ന നടനായ പുനീതിന്റെ വിയോഗത്തിൽ വിതുമ്പുകയാണ് സിനിമാപ്രേമികൾ.