May 29, 2022
May 29, 2022
ദോഹ: ഖത്തര് സ്പോര്ട്സ് ക്ലബ് സ്റ്റേഡിയത്തില് ഇന്നലെ നടന്ന അന്താരാഷ്ട്ര സൗഹൃദ ഫുട്ബോളിൽ ഇന്ത്യക്ക് തോൽവി. മറുപടിയില്ലാത്ത രണ്ട് ഗോളിനാണ് ജോർദാൻ ഇന്ത്യയെ പരാജയപ്പെടുത്തിയത്.
ഗോള്രഹിതമായി പിരിഞ്ഞ ആദ്യ പകുതിക്ക് ശേഷം രണ്ടാം പകുതിയില് ഇരു ടീമിനും കാര്യമായ അവസരങ്ങൾ ലഭിച്ചിരുന്നെങ്കിലും കൃത്യമായ ആക്രമണത്തിലൂടെ ജോർദാൻ ഇന്ത്യന് ഗോള്വലകുലുക്കി വിജയമുറപ്പിക്കുകയായിരുന്നു.76ാം മിനിറ്റില് മുന്തര് അബു അമാറയും, ഇഞ്ചുറി ടൈമിന്റെ മൂന്നാം മിനിറ്റില് മുഹമ്മദ് അബു റൈഖും നേടിയ ഗോളുകളിലൂടെയാണ് എതിരാളികള് ഇന്ത്യൻ ടീമിനെ തോൽവി അറിയിച്ചത്.
ജൂണില് രണ്ടാം വാരം കൊല്ക്കത്തയില് നടക്കുന്ന ഏഷ്യാകപ്പ് യോഗ്യതാ റൗണ്ടില് കളത്തിലിറങ്ങുന്നതിന് മുന്നോടിയായാണ് ഇന്ത്യ ജോര്ഡനെതിരെ സന്നാഹത്തിനിറങ്ങിയത്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക