April 08, 2022
April 08, 2022
ദോഹ : രണ്ട് ഇറ്റാലിയൻ നിർമിത നാവിക ഹെലികോപ്റ്ററുകൾ വൈകാതെ ഖത്തറിലെത്തും. നയതന്ത്രബന്ധം പരിപോഷിപ്പിക്കുന്നതിന്റെ ഭാഗമായി ഇറ്റലിയുമായി ഒപ്പിട്ട കരാറിന്റെ അടിസ്ഥാനത്തിലാണ് രണ്ട് NH90 NFH ഹെലികോപ്റ്ററുകൾ രാജ്യത്ത് എത്തിക്കുന്നത്. ഇറ്റലിയിലെ വെനീസിൽ നടന്ന പ്രത്യേകചടങ്ങിൽ വെച്ചാണ് ഈ പ്രഖ്യാപനം ഉണ്ടായത്.
ഖത്തർ അമീറി എയർഫോഴ്സിന്റെ വക്താക്കളും ചടങ്ങിൽ പങ്കെടുത്തു. 2021 ഡിസംബറിൽ ഫ്രാൻസിൽ നിന്നും എയർബസ് ഹെലികോപ്റ്ററുകളും ഖത്തർ വാങ്ങിയിരുന്നു. വിവിധ വിഭാഗങ്ങളിൽ പെട്ട പന്ത്രണ്ടോളം ഹെലികോപ്ടറുകൾ കൂടി വാങ്ങാനും ഖത്തറിന് പദ്ധതിയുണ്ട്. ഇറ്റാലിയൻ കമ്പനിയായ ലിയനാർഡോ ആണ് ഹെലികോപ്റ്റർ കരാറിന്റെ ഇടനിലക്കാർ.