January 06, 2022
January 06, 2022
ദോഹ : കോവിഡ് വ്യാപനത്തിന്റെ തോത് കുറയ്ക്കാൻ ആവശ്യമായ നടപടികൾ സ്വീകരിക്കുന്ന തിരക്കിലാണ് ഖത്തർ. വ്യവസായ മേഖലയിലെ തൊഴിലാളികൾ കോവിഡ് മാനദണ്ഡങ്ങൾ പാലിക്കുന്നുണ്ട് എന്ന് ഉറപ്പുവരുത്താൻ തൊഴിൽ മന്ത്രാലയം മിന്നൽ പരിശോധന നടത്തി. തൊഴിൽ ഇടങ്ങളിലും, തൊഴിലാളികളുടെ താമസസ്ഥലങ്ങളിലുമാണ് ഉദ്യോഗസ്ഥർ പരിശോധനയ്ക്ക് എത്തിയത്.
കമ്പനികളുടെ ഉടമകൾക്ക് കോവിഡ് മാനദണ്ഡങ്ങൾ കൃത്യമായി പാലിക്കാൻ നിർദ്ദേശം നൽകി. മാസ്ക് ധാരണം, ഹാൻഡ് സാനിറ്റൈസറുകളുടെ ലഭ്യത, ഒരേസമയം ഒന്നിച്ചുകൂടുന്ന തൊഴിലാളികളുടെ എണ്ണം എന്നിവയാണ് സംഘം പരിശോധിച്ചത്. തൊഴിലാളികൾ താമസിക്കുന്ന മുറികളിൽ നാലിലധികം പേർ ഒന്നിച്ചുകഴിയുന്നില്ല എന്നും മന്ത്രാലയത്തിലെ അധികൃതർ ഉറപ്പുവരുത്തി. തൊഴിലാളികൾക്ക് കോവിഡ് ലക്ഷണങ്ങൾ പ്രകടമായാൽ ഐസൊലേഷനിൽ കഴിയണമെന്നും, താമസസ്ഥലങ്ങളിൽ കൃത്യമായ ഇടവേളകളിൽ അണുനശീകരണം നടത്തണമെന്നും തൊഴിൽ മന്ത്രാലയം നിർദേശിച്ചു.