December 09, 2021
December 09, 2021
അൻവർ പാലേരി
ദോഹ : ഇന്ത്യൻ രൂപയുടെ മൂല്യം രണ്ടു മാസത്തെ ഏറ്റവും വലിയ തകർച്ചയിലെത്തിയതോടെ ഖത്തർ റിയാലിനെതിരെ ഇന്ത്യൻ രൂപയുടെ മൂല്യം ഒരു റിയാലിന് 20.60 ക്ക് മുകളിലെത്തി.ഖത്തറിലെ വിവിധ ധന വിനിമയ സ്ഥാപനങ്ങളിൽ കഴിഞ്ഞ ഏതാനും ദിവസങ്ങളായി 20 രൂപ 50 പൈസക്ക് മുകളിലാണ് നിരക്ക്.ഇന്ന് വൈകീട്ട് വരെ സിറ്റി എക്സ്ചേഞ്ചിന്റെ മൊബൈൽ ആപ് വഴി പണമയക്കുന്നവർക്ക് ഒരു റിയാലിന് 20 രൂപ 60 പൈസയായിരുന്നു വിനിമയ നിരക്ക്.വിപണിയിലെ ഈ നേട്ടം പരമാവധി പ്രയോജനപ്പെടുത്താനുള്ള ശ്രമത്തിലാണ് പ്രവാസികൾ.
കഴിഞ്ഞ മൂന്നു ദിവസങ്ങളായി ഇന്ത്യൻ രൂപയുടെ മൂല്യം ഡോളറിനെതിരെ താഴോട്ട് കുതിക്കുകയാണ്.രാജ്യാന്തര വിപണിയിൽ എണ്ണ വില വർധിച്ചതും ഓഹരി വിപണി തകർന്നതും ഡോളർ കരുത്താർജിച്ചതുമാണ് ഇന്ത്യൻ രൂപക്ക് തിരിച്ചടിയായത്.വരും ദിവസങ്ങളിലും ഇന്ത്യൻ രൂപ കൂടുതൽ ദുർബലമാകാൻ സാധ്യതയുണ്ടെന്നാണ് വിലയിരുത്തൽ.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക