March 09, 2022
March 09, 2022
ന്യൂ ഡൽഹി : കോവിഡ് പ്രതിസന്ധിയെ തുടർന്ന് നിർത്തിവെച്ച രാജ്യാന്തര വിമാനസർവീസുകൾ പുനരാരംഭിക്കാൻ തീരുമാനിച്ചതായി സിവിൽ ഏവിയേഷൻ മന്ത്രാലയം അറിയിച്ചു. കഴിഞ്ഞ രണ്ട് വർഷമായി എയർ ബബിൾ വ്യവസ്ഥ ഉപയോഗിച്ച്, നിശ്ചിത ലക്ഷ്യസ്ഥാനങ്ങളിലേക്ക് മാത്രമായിരുന്നു ഇന്ത്യയിൽ നിന്നും വിമാനസർവീസുള്ളത്. ഈ വ്യവസ്ഥ മാറ്റി, സാധാരണ സർവീസ് തിരികെ കൊണ്ടുവരാനാണ് ഇന്ത്യയുടെ നീക്കം.
എയർ ബബിൾ സർവീസുകൾ നിർത്താൻ ഇന്ത്യ നേരത്തേ തീരുമാനിച്ചിരുന്നെങ്കിലും, മൂന്നാം തരംഗവും ഒമിക്രോൺ വ്യാപനവും കാരണം ഈ പദ്ധതി ഉപേക്ഷിക്കുകയായിരുന്നു. നിലവിൽ പ്രതിദിന കോവിഡ് കേസുകൾ താരതമ്യേന കുറവായതിനാലാണ് സർവീസുകൾ പുനരാരംഭിക്കാൻ തീരുമാനിച്ചത്. പ്രവാസികൾക്ക് ഏറെ ആശ്വാസ്യകരമാവുന്ന അറിയിപ്പാണിത്.