October 12, 2022
October 12, 2022
ന്യൂസ്‌റൂം ബ്യുറോ
ദോഹ : നവംബർ 1 മുതൽ സെൻട്രൽ ദോഹയിൽ വെഹിക്കിൾ പ്ലേറ്റ് മാനേജ്മെന്റ് സിസ്റ്റം നടപ്പിലാക്കും.വിവിധ വിഭാഗങ്ങളിൽ പെട്ട വാഹനങ്ങളെ അടിസ്ഥാനമായിരിക്കും പദ്ധതി നടപ്പാക്കുക. വടക്ക് അൽ ഖഫ്ജി സ്ട്രീറ്റ് മുതൽ തെക്ക് പടിഞ്ഞാറ് ദിശയിലേക്കുള്ള സി-റിംഗ് റോഡ് വരെയും കിഴക്ക് നിന്ന് കോർണിഷ് സ്ട്രീറ്റ് വരെയുമുള്ള ഭാഗങ്ങളിലായിരിക്കും ഈ രീതിയിൽ നിയന്ത്രണം ഏർപ്പെടുത്തുക.
ഇതനുസരിച്ച്, ജനറൽ ട്രാൻസ്പോർട്ട് വാഹനങ്ങളും കറുത്ത നമ്പർ പ്ളേറ്റുള്ള പ്രൈവറ്റ് ട്രാൻസ്പോർട്ട് വാഹനങ്ങളും സെൻട്രൽ ദോഹയിൽ നിന്ന് വഴിതിരിച്ചുവിടും. ഒക്ടോബർ 28 വരെ എല്ലാ വെള്ളിയാഴ്ചയും ഉച്ചകഴിഞ്ഞ് 3 മണി മുതൽ രാത്രി 10 മണി വരെ പരീക്ഷണാടിസ്ഥാനത്തിലായിരിക്കും പദ്ധതി നടപ്പിലാക്കുക.എന്നാൽ ലോകകപ്പ് ദിനങ്ങളിൽ എല്ലാ ദിവസവും ഇത് ബാധകമായിരിക്കും.
സ്വകാര്യ വാഹനത്തിൽ സഞ്ചരിക്കുന്നവരെയും പൊതുഗതാഗത വാഹനങ്ങളെയും അടിയന്തര സേവനങ്ങളെയും ഈ നിബന്ധനയിൽ നിന്ന് ഒഴിവാക്കിയിട്ടുണ്ട്.
ഇളവ് മാനദണ്ഡങ്ങൾ പാലിക്കാതെ സെൻട്രൽ ദോഹയിലേക്ക് പ്രവേശിക്കുന്ന വാഹനങ്ങൾക്ക് പിഴ ചുമത്തുമെന്നും അധികൃതർ മുന്നറിയിപ്പ് നൽകിയിട്ടുണ്ട്..
എ-റിങ് റോഡ്
എ-റിങ് റോഡിൽ പ്രത്യേകമായി ക്രമീകരിച്ച ബസ്,ടാക്സി ലൈനുകൾ അനധികൃതമായി ഉപയോഗിച്ചാൽ ഡ്രൈവർമാർക്ക് പിഴ ചുമത്തും.ടൂർണമെന്റ് തുടങ്ങുന്നത് വരെയുള്ള ദിവസങ്ങളിൽ പുലർച്ചെ 2 മുതൽ രാവിലെ 8 വരെ മാത്രം ഈ നിശ്ചിത ലൈനിൽ എല്ലാ വാഹനങ്ങൾക്കും പ്രവേശിക്കാം. എന്നാൽ ലോകകപ്പ് തുടങ്ങിക്കഴിഞ്ഞാൽ എ-റിങ് റോഡിലെ ഈ ലൈനിൽ മറ്റു വാഹനങ്ങൾക്ക് പ്രവേശനമുണ്ടാവില്ല.ഇക്കാലയളവിൽ 24 മണിക്കൂറും ബസുകൾക്കും ടാക്സികൾക്കും മാത്രമായിരിക്കും മാത്രമായിരിക്കും പാത ഉപയോഗിക്കാൻ അനുമതിയുണ്ടാവുക.മറ്റ് വാഹനങ്ങൾ പ്രവേശിച്ചാൽ പിഴ ചുമത്തും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക
