March 22, 2022
March 22, 2022
ദോഹ : ഇന്ത്യൻ എംബസിയുമായി സഹകരിച്ച്, ഇന്ത്യൻ കൾച്ചറൽ സെന്റർ (ഐ.സി.സി) സംഘടിപ്പിക്കുന്ന "പാസ്സേജ് ടു ഇന്ത്യ 2022" പരിപാടിയിൽ, ഖത്തറിലെ ദീർഘകാല ഇന്ത്യൻ പ്രവാസികളെ ആദരിക്കും. മാർച്ച് 24 മുതൽ 26 വരെ ഇസ്ലാമിക് ആർട്ട്സ് പാർക്ക് മ്യൂസിയത്തിലാണ് പരിപാടി അരങ്ങേറുന്നത്. ഉച്ചയ്ക്ക് 2 മണി മുതൽ വൈകീട്ട് 11 വരെയാണ് പരിപാടിയുടെ ദൈർഘ്യം.
1980 നും മുൻപ് ഖത്തറിലെത്തിയ, തിരഞ്ഞെടുക്കുന്ന 25 പ്രവാസികൾക്കാണ് ചടങ്ങിൽ ആദരമേകുക. ഇവർ, പ്രവാസജീവിതകാലാവധി തെളിയിക്കുന്ന രേഖകൾ സഹിതമാണ് അപേക്ഷിക്കേണ്ടത്. കഴിഞ്ഞ വർഷങ്ങളിൽ പരിപാടിയുടെ ഭാഗമായവർ ഇത്തവണ അപേക്ഷ അയക്കേണ്ടതില്ലെന്ന് സംഘാടകർ അറിയിച്ചു. മാർച്ച് 22 (ചൊവ്വ) ആണ് അപേക്ഷ സമർപ്പിക്കാനുള്ള അവസാന തിയ്യതി. iccqatar@gmail.com എന്ന മേൽവിലാസത്തിലേക്കാണ് അപേക്ഷ അയക്കേണ്ടത്. +974 5538 8949 എന്ന നമ്പറിൽ ബന്ധപ്പെട്ടാൽ കൂടുതൽ വിവരങ്ങൾ ലഭിക്കുമെന്നും സംഘാടകർ വ്യക്തമാക്കി.