January 22, 2022
January 22, 2022
മുംബൈ : നഗരത്തിലെ അപ്പാർട്ട്മെന്റിൽ ഉണ്ടായ തീപിടുത്തത്തിൽ ആറ് പേർ മരണമടഞ്ഞു. പതിനഞ്ച് പേർക്ക് പരിക്കേറ്റതായും അധികൃതർ അറിയിച്ചു. പരിക്കേറ്റവരിൽ നാല് പേരുടെ നില ഗുരുതരമാണ്. എയർ കണ്ടീഷനിൽ ഉണ്ടായ ഷോർട്ട് സർക്യൂട്ട് ആണ് തീപിടുത്തത്തിന് കാരണമായതെന്ന് മുംബൈ മേയർ കിഷോരി പട്നേക്കർ അറിയിച്ചു.
പതിനഞ്ചാം നിലയിലാണ് ആദ്യം തീ കണ്ടതെന്നും, ഏറെ വൈകാതെ കെട്ടിടത്തിലാകെ കറുത്ത പുക പടർന്നെന്നും അപകടത്തിൽ നിന്നും രക്ഷപ്പെട്ടവർ മാധ്യമങ്ങളെ അറിയിച്ചു. തൊണ്ണൂറോളം ആളുകൾ അയൽവാസികളുടെ സഹായത്തോടെ കെട്ടിടത്തിൽ നിന്നും പുറത്തുകടന്നു. ഇരുപതിലധികം ഫയർ എഞ്ചിനുകൾ സ്ഥലത്തെത്തിയാണ് തീ നിയന്ത്രണവിധേയമാക്കിയത്.
