September 20, 2021
September 20, 2021
ദോഹ : ഖത്തറിൽ ഈയിടെ നിർബന്ധമാക്കിയ ദേശീയ മേൽവിലാസ സർട്ടിഫിക്കറ്റ് മെട്രാഷ് ആപ്പിലൂടെ സ്വന്തമാക്കാം. ഇതിന് ഉതകുന്ന തരത്തിൽ ആപ്പിൽ അപ്ഡേറ്റുകൾ വരുത്തിയതായി ആഭ്യന്തരമന്ത്രാലയം അറിയിച്ചു. സമൂഹമാധ്യമങ്ങളിൽ പങ്കുവെച്ച കുറിപ്പിലൂടെ, സർട്ടിഫിക്കറ്റ് സ്വന്തമാക്കേണ്ടത് എങ്ങനെ എന്നും അധികൃതർ വിശദീകരിച്ചിട്ടുണ്ട്.
അപ്ലൈ ചെയ്യാൻ ഉദ്ദേശിക്കുന്ന വ്യക്തി ആദ്യം ഹോം പേജിലുള്ള " national address" എന്ന ഓപ്ഷനിൽ ക്ലിക്ക് ചെയ്യണം. അപ്പോൾ തുറന്ന് വരുന്ന വിൻഡോയിൽ നിന്നും " add national address" സെലക്ട് ചെയ്താൽ "national address certificate" എന്ന ബട്ടൺ കാണാം. ശേഷം, വീട്ടുവിലാസമോ, ജോലിസ്ഥലത്തെ വിലാസമോ വേണ്ടതെന്ന് തിരഞ്ഞെടുക്കണം. സർട്ടിഫിക്കറ്റ് ഇംഗ്ലീഷിലോ അറബിക്കിലോ വേണ്ടത് എന്നും അപേക്ഷകർ ഈ പേജിൽ രേഖപ്പെടുത്തണം. ഇതിന് ശേഷം ഇമെയിൽ ഐഡി നൽകിയാൽ, സർട്ടിഫിക്കറ്റ് തയാറാകുന്ന മുറക്ക് നൽകിയ മെയിൽ ഐഡിയിലേക്ക് ഇവ അയക്കും.. പത്ത് റിയാൽ ഫീസ് അടക്കാനുള്ള വിൻഡോയും അവസാനം പ്രത്യക്ഷപ്പെടും. ഈ ഘട്ടം കൂടെ പിന്നിട്ടാൽ സർട്ടിഫിക്കറ്റിന്റെ അപേക്ഷ സ്വീകരിക്കപ്പെട്ടു എന്നർത്ഥം.