April 27, 2021
April 27, 2021
അൻവർ പാലേരി
ദോഹ : ഇന്ത്യ ഉൾപെടെ ആറ് രാജ്യങ്ങളിൽ നിന്ന് ഖത്തറിലേക്ക് വരുന്നവർക്കുള്ള നിർബന്ധിത ഹോട്ടൽ കൊറന്റൈൻ വ്യാഴാഴ്ച ഖത്തർ സമയം(ഏപ്രിൽ 29) രാത്രി 12 മണി മുതൽ പ്രാബല്യത്തിൽ വരും. ഇന്ത്യ,ബംഗ്ലാദേശ്,പാക്കിസ്ഥാൻ,നേപ്പാൾ,ശ്രീലങ്ക,ഫിലിപ്പൈൻസ് എന്നീ രാജ്യങ്ങളിൽ നിന്ന് നേരിട്ടോ മറ്റു രാജ്യങ്ങൾ വഴിയോ ഖത്തറിലേക്ക് വരുന്ന എല്ലാ യാത്രക്കാർക്കും നിബന്ധന ബാധകമായിരിക്കും.എന്നാല്‍, നാളെ അര്‍ധരാത്രിവരെ(ഏപ്രില്‍ 28 പുലര്‍ച്ചെ 1.59) യുള്ള വിമാനങ്ങളില്‍ എത്തുന്നവര്‍ക്ക് ആര്‍ടിപിസിആര്‍ നിബന്ധന ബാധകമാകില്ല. അവര്‍ക്ക് 72 മണിക്കൂറിനുള്ളില്‍ എടുത്ത പരിശോധനാ സര്‍ട്ടിഫിക്കറ്റ് മതിയാവും
നിർദേശങ്ങൾ :
ഇന്ത്യ ഉൾപെടെ വിവിധ രാജ്യങ്ങളിൽ വകഭേദം വന്ന കൊറോണ വൈറസ് വ്യാപനം രൂക്ഷമായി തുടരുന്ന സാഹചര്യത്തിലാണ് ഖത്തർ യാത്രക്കാർക്കുള്ള നിബന്ധനകൾ വീണ്ടും കർശനമാക്കിയത്.ഇന്ത്യയിൽ നിന്നും കോവിഷീൽഡ് വാക്സിൻ എടുത്തു തിരിച്ചു വരാൻ ഒരുങ്ങിയവർക്കും ഖത്തറിൽ നിന്ന് വാക്സിൻ സ്വീകരിച്ചു നാട്ടിലേക്ക് പോകാനൊരുങ്ങിയവർക്കും പുതിയ തീരുമാനം തിരിച്ചടിയായി. ഈ രണ്ടു വിഭാഗങ്ങൾക്കും പിന്നീട് ഖത്തറിൽ തിരിച്ചെത്തുമ്പോൾ ഹോട്ടൽ കൊറന്റൈൻ ഒഴിവാക്കിയിരുന്നു.ഈ തീരുമാനമാണ് ഇപ്പോൾ റദ്ദാക്കിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
