December 15, 2021
December 15, 2021
ദോഹ : ആധുനിക ഖത്തറിന്റെ സ്ഥാപകദിനമായ ഡിസംബർ 18 നെ വിപുലമായി ആഘോഷിക്കാനുള്ള ഒരുക്കത്തിലാണ് രാജ്യം. ദേശീയദിനമായ ഡിസംബർ 18 കൂടാതെ, അടുത്ത ദിവസമായ ഡിസംബർ 19 നും (ഞായറാഴ്ച) രാജ്യത്ത് പൊതു അവധി ആയിരിക്കുമെന്ന് അമീരി ദിവാൻ അറിയിച്ചു. ദേശീയദിനത്തിലെ വർണ്ണാഭമായ ദൃശ്യവിസ്മയങ്ങൾ ആസ്വദിച്ച ശേഷം, ഒരു ദിനം പൂർണമായും വിശ്രമിക്കാൻ ഖത്തർ ജനതയ്ക്ക് ഇതോടെ സാധിക്കും.
ട്വിറ്ററിലൂടെയാണ് അവധിയുടെ ഔദ്യോഗികപ്രഖ്യാപനം വന്നത്. ഇതോടെ, വെള്ളി, ശനി, ഞായർ എന്നീ മൂന്ന് ദിവസങ്ങളിൽ ഖത്തറിന് തുടർച്ചയായ അവധി ലഭിക്കും. കാലാൾപട അണിനിരക്കുന്ന പരേഡ് അടക്കം, നയനാന്ദകരമായ നിരവധി പരിപാടികളാണ് വിവിധ കേന്ദ്രങ്ങളിലായി ഡിസംബർ 18 ന് അരങ്ങേറുന്നത്.