December 08, 2021
December 08, 2021
ഊട്ടി : സംയുക്തസൈനികമേധാവി ബിപിൻ റാവത്തും കുടുംബവും സഞ്ചരിച്ച ഹെലികോപ്റ്റർ അപകടത്തിൽ പെട്ട സംഭവത്തിൽ മരണം 11 ആയി. ആകെ പതിനാല് പേരാണ് ഹെലികോപ്റ്ററിൽ ഉണ്ടായിരുന്നത്. ഇവരിൽ മൂന്ന് പേരെ രക്ഷിക്കാൻ കഴിഞ്ഞെന്നും, ഇവരുടെ നില അതീവഗുരുതരമായി തുടരുന്നു എന്നുമാണ് റിപ്പോർട്ടുകൾ.
ശരീരത്തിന്റെ എൺപത് ശതമാനം ഭാഗത്തും പൊള്ളലേറ്റ നിലയിൽ ബിപിൻ റാവത്തും ഭാര്യയും വെല്ലിങ്ടൺ സൈനിക ആശുപത്രിയിൽ ചികിത്സയിൽ കഴിയുകയാണ്. ബിപിൻ യാദവിന്റെ ഭാര്യ മരണപ്പെട്ടു എന്ന് വാർത്തകൾ പ്രചരിക്കുന്നുണ്ടെങ്കിലും ഇക്കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല. അപകടത്തിന്റെ കൂടുതൽ വിവരങ്ങൾ പ്രതിരോധമന്ത്രി രാജ്നാഥ് സിംഗ് പാർലമെന്റിൽ അറിയിക്കും. തമിഴ്നാട് മുഖ്യമന്ത്രി സ്റ്റാലിനും, വ്യോമസേനാ മേധാവി വിആർ ചൗധരിയും അപകടസ്ഥലത്തേക്ക് പുറപ്പെട്ടിട്ടുണ്ട്.