August 15, 2020
August 15, 2020
ദോഹ : രാജ്യത്തെ സ്വദേശികളും താമസക്കാരും ഹെൽത്ത് കാർഡുകൾ പുതുക്കുന്നതിന് ഓൺലൈൻ സേവനങ്ങൾ പ്രയോജനപ്പെടുത്തണമെന്നും ഇതിനായി നേരിട്ടുവരുന്നത് ഒഴിവാക്കണമെന്നും ഹമദ് മെഡിക്കൽ കോർപറേഷൻ ആവശ്യപ്പെട്ടു. ഓൺലൈൻ ലിങ്കിൽ ആവശ്യമായ വിവരങ്ങൾ നൽകിയാണ് ഹെൽത്ത് കാർഡുകൾ പുതുക്കാൻ അപേക്ഷിക്കേണ്ടത്.ഈ ലിങ്കിൽ ക്ലിക്ക് ചെയ്ത് ഖത്തർ ഐഡി നമ്പർ നൽകിയാൽ മറ്റു നടപടികൾ പൂർത്തിയാക്കാം.എത്രവർഷത്തേക്കാണ് പുതുക്കേണ്ടത് എന്നതുൾപ്പെടെയുള്ള വിവരങ്ങൾ നൽകണം.പുതുക്കുന്നതിനുള്ള നിരക്ക് ഓൺലൈൻ ആയി തന്നെ അടക്കാവുന്നതാണ്.പണമടച്ചതിന്റെ രശീതി ഇ മെയിൽ ആയോ മൊബൈൽ നമ്പറിൽ എസ്.എം.എസ്സായോ ലഭിക്കും.
സ്വദേശികൾക്കും ജിസിസി രാജ്യങ്ങളിൽ നിന്നുള്ളവർക്കും നിരക്കുകളിൽ ഇളവുണ്ട്. എന്നാൽ ഇന്ത്യക്കാർ ഉൾപ്പെടെയുള്ള വിദേശികളായ മുതിർന്നവർക്കും കുട്ടികൾക്കും ഒരു വർഷത്തേക്ക് 100 റിയാലാണ് ഹെൽത്ത് കാർഡ് പുതുക്കാനുള്ള നിരക്ക്. ഹെൽത്ത് കാർഡ് പുതുക്കുന്നതിനുള്ള ഓൺലൈൻ സേവനം 24 മണിക്കൂറും ലഭ്യമാണെന്നും ഹമദ് മെഡിക്കൽ കോർപറേഷൻ അറിയിച്ചു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും വാട്സ്ആപ്പിൽ മുടങ്ങാതെ ലഭിക്കാൻ ഈ ലിങ്കിൽ ചേരുക