November 19, 2019
November 19, 2019
കുവൈത്ത് സിറ്റി : ദോഹയിൽ നടക്കാനിരിക്കുന്ന അറേബ്യൻ ഗൾഫ് കപ്പിൽ പങ്കെടുക്കാൻ സൗദി അറേബ്യ,യു.എ.ഇ, ബഹ്‌റൈൻ തുടങ്ങിയ രാജ്യങ്ങൾ സന്നദ്ധത അറിയിച്ചത് ഗൾഫ് പ്രതിസന്ധി പരിഹരിക്കപ്പെടുന്നതിന്റെ വ്യക്തമായ സൂചനയാണെന്ന് കുവൈത്ത് ഉപ വിദേശകാര്യ മന്ത്രി ഖാലിദ് അൽ ജാറള്ള അറിയിച്ചു. കുവൈത്തിലെ ഫലസ്തീൻ എംബസിയിൽ നടന്ന ദേശീയ ദിനാഘോഷ പരിപാടിക്കിടെ കുവൈത്ത് ന്യൂസ് ഏജൻസി (കുന)യുമായി സംസാരിക്കുന്നതിനിടെയാണ് അദ്ദേഹം ഇക്കാര്യം പറഞ്ഞത്.
ഗൾഫ് കപ്പിന് പിന്നാലെ പ്രതിസന്ധി പരിഹരിക്കാനുള്ള കൂടുതൽ ശ്രമങ്ങളുണ്ടാവും. നല്ല ഫലം കണ്ടെത്താൻ ശരിയായ ദിശയിലേക്കാണ് കാര്യങ്ങൾ പോകുന്നതെന്നും അദ്ദേഹം പറഞ്ഞു. പ്രതിസന്ധിക്ക് പെട്ടെന്നുള്ള പരിഹാരം കണ്ടെത്താൻ എല്ലാ തലങ്ങളിലും ബന്ധം തുടരുമെന്നും അദ്ദേഹം പ്രത്യാശ പ്രകടിപ്പിച്ചു.
ഖത്തർ - ഗൾഫ് വാർത്തകൾ ഏറ്റവുമാദ്യം കൃത്യതയോടെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശം അയക്കുക
