December 18, 2020
December 18, 2020
ദോഹ : ഖത്തർ ദേശീയ ദിനത്തിന് ആദരവർപ്പിച്ചു രാജ്യത്തെ ഗൂഗ്ൾ ഉപയോക്താക്കൾക്കായി ഗൂഗ്ൾ മുഖ ചിത്രത്തിൽ മാറ്റം വരുത്തി. പർപ്പിൾ നിറത്തിൽ ഖത്തർ ദേശീയ പതാക കൂടി ഉൾപെടുത്തിയാണ് ഗൂഗ്ൾ ദേശീയ ദിനത്തിൽ തങ്ങളുടെ മുഖച്ഛായ മാറ്റിയത്.
രാജ്യത്തിന്റെ ഏകീകരണത്തെയും ദേശീയ സ്വാതന്ത്ര്യത്തിന്റെയും ദിനം ഗൂഗ്ൾ ആഘോഷിക്കുകയാണ്.മെറൂണും വെള്ളയും കലർന്ന ഖത്തർ ദേശീയ പതാകയാണ് ഗൂഗിൾ ചിത്രീകരിച്ചിരിക്കുന്നത്. 1971 ലാണ് ഖത്തർ ഔദ്യോഗികമായി സ്വാതന്ത്ര്യം പ്രഖ്യാപിച്ചത്.മെറൂൺ നിറം നിലവിൽ 'ഖത്തർ മെറൂൺ' എന്നാണ് വിശേഷിപ്പിക്കപ്പെടുന്നതെന്നും ഗൂഗ്ൾ വിശദീകരിച്ചു. ഖത്തറിന്റെ ദേശീയ മുദ്രയായി മാറിയ മെറൂൺ നിറത്തിന്റെ ചരിത്രവും ഗൂഗ്ൾ നൽകിയിട്ടുണ്ട്.പ്രാചീന കാലം മുതൽ ഒരു തരം കക്കയിൽ നിന്നും ഉൽപാദിപ്പിക്കുന്ന ഈ നിറം ഉപയോഗിച്ചാണ് വസ്ത്രങ്ങൾക്ക് മോടി കൂട്ടിയിരുന്നതെന്നും രാജകീയ വസ്ത്രങ്ങൾക്ക് ഈ നിറമാണ് ഉപയോഗിച്ചിരുന്നതെന്നും ഗൂഗ്ൾ ഓർമിപ്പിച്ചു.ഖത്തറിന്റെ ചരിത്രത്തെയും പാരമ്പര്യത്തെയും പ്രതിഫലിപ്പിക്കുന്നതാണ് ഖത്തർ പർപ്പിൾ എന്നും ഗൂഗ്ൾ ദേശീയ ദിനത്തിൽ നൽകിയ വിശദീകരണത്തിൽ വ്യക്തമാക്കി.
TELEGRAM
FACEBOOK PAGE
https://www.facebook.com/newsroomme