February 11, 2022
February 11, 2022
ദോഹ : പ്രവാസി തൊഴിലാളികളുടെ താമസസ്ഥലത്ത് ചൂതുകളിയിൽ ഏർപ്പെട്ട പ്രവാസി യുവാവിനെ ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റ് അറസ്റ്റ് ചെയ്തു. ഖത്തറിൽ നിയമപരമായ നിരോധിച്ച വിനോദങ്ങളിലൊന്നാണ് ചൂതുകളി. ഇയാൾ ചൂതുകളിക്കുന്ന വീഡിയോ നേരത്തേ സമൂഹമാധ്യമങ്ങളിൽ പ്രചരിച്ചിരുന്നു. പ്രതിയുടെ പൗരത്വമടക്കമുള്ള വിവരങ്ങൾ പുറത്തുവിട്ടിട്ടില്ല.
വീഡിയോയിൽ അധികൃതർ അന്വേഷണം പ്രഖ്യാപിക്കുകയും, വീഡിയോയുടെ ആധികാരികത ബോധ്യപ്പെടുകയും ചെയ്തതിന് പിന്നാലെയാണ് ഇയാളെ അറസ്റ്റ് ചെയ്തത്. ഇയാൾ കുറ്റം സമ്മതിച്ചതായും, ഇയാൾക്കെതിരെയുള്ള നിയമനടപടികൾ ആരംഭിച്ചതായും ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റ് അറിയിച്ചു. ഇത്തരത്തിലുള്ള കുറ്റകൃത്യങ്ങൾ ശ്രദ്ധയിൽ പെട്ടാൽ മെത്രാഷ് 2 അപ്ലിക്കേഷൻ ഉപയോഗിച്ച് ബന്ധപ്പെട്ട സുരക്ഷാ ഉദ്യോഗസ്ഥരെ അറിയിക്കാൻ പൊതുജനം തയ്യാറാവണമെന്ന് അധികൃതർ അഭ്യർത്ഥിച്ചു.