June 01, 2022
June 01, 2022
ദോഹ: വേനലവധി കടലിൽ സജ്ജീകരിച്ച ഫ്ലോട്ടിങ് മാർക്കറ്റുകളുടെ പ്രവർത്തനം പുനരാരംഭിക്കുമെന്ന് ഹൈപ്പർ മാർക്കറ്റ് ശൃംഖലയായ അൽ മീര അറിയിച്ചു.അവധിക്കാലം ആസ്വദിക്കാൻ കടലിലും ബീച്ചിലും പോകുന്നവരുടെ സൗകര്യം പരിഗണിച്ചാണ് തീരുമാനം.
സഫലിയാ ദ്വീപിന് സമീപമാണ് ബോട്ടിലുള്ള അൽ മീര സൂപ്പർമാർക്കറ്റ് ഇപ്പോൾ പ്രവർത്തിക്കുന്നത്.2021 ൽ ആരംഭിച്ച ഫ്ലോട്ടിങ് മാർക്കറ്റ് കടലിൽ ആവശ്യമുള്ള സാധനങ്ങളും ഭക്ഷണപാനീയങ്ങൾ അടക്കമുള്ള മറ്റു അവശ്യ സാധനങ്ങളുമാണ് വിൽക്കുന്നത്.
ആയിരത്തിലധികം ഉത്പന്നങ്ങൾ ഫ്ളോട്ടിങ് സ്റ്റോറിൽ ലഭിക്കുമെന്ന് അൽ മീര അറിയിച്ചു.പ്രൈവറ്റ് ബോട്ടിൽ കടലിൽ പോകുന്നവർക്കും വാട്ടർ സ്പോർട്സിൽ പങ്കെടുക്കുന്നവർക്കും ബീച്ചിൽ പോകുന്നവർക്കും ഈ സൂപ്പർമാർക്കറ്റ് സേവനങ്ങൾ നൽകും.
വ്യാഴാഴ്ചയും വെള്ളിയാഴ്ചയും രാവിലെ 9 മണി മുതൽ രാത്രി 8 മണി വരെയും മറ്റു ദിവസങ്ങളിൽ ഉച്ചക്ക് ഒരു മണി മുതൽ രാത്രി എട്ട് മണിവരെയുമാണ് സ്റ്റാറിന്റെ പ്രവർത്തന സമയം. കാലാവസ്ഥ അനുകൂലമാകുമ്പോൾ മാത്രമാണ് സ്റ്റോർ പ്രവർത്തിക്കുക.
കടലിൽ പോകാൻ പരിശീലനം ലഭിച്ചവരാണ് സ്റ്റോറിലെ ജീവനക്കാരെന്നും അൽ മീര അറിയിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക