August 16, 2022
August 16, 2022
ദോഹ : ഇസ്‌ലാമിക മൂല്യങ്ങൾക്ക്ചെ വിരുദ്ധമായ ഉൽപന്നങ്ങൾ വില്പനനടത്തുകയോ പ്രദർശിപ്പിക്കുകയോ ചെയ്യുന്ന വാണിജ്യ സ്ഥാപനങ്ങൾക്ക് വാണിജ്യ-വ്യവസായ മന്ത്രാലയം (MOCI) വീണ്ടും മുന്നറിയിപ്പ് നൽകി. ഇത്തരം നിയമലംഘനങ്ങൾ കണ്ടെത്തിയാൽ ദശലക്ഷം ഖത്തർ റിയാൽ വരെ പിഴ ചുമത്തുന്നതിനു പുറമെ,അടച്ചുപൂട്ടൽ നോട്ടീസ് നൽകുകയോ വാണിജ്യ ലൈസൻസ് റദ്ദാക്കുകയോ ചെയ്യുമെന്നും അധികൃതർ മുന്നറിയിപ്പ് നൽകി.
ഇസ്‌ലാമിക മൂല്യങ്ങൾ, പൊതു ധാർമ്മികത, ആചാരങ്ങൾ, പാരമ്പര്യങ്ങൾ എന്നിവ ലംഘിക്കുന്ന ഏതെങ്കിലും ഉൽപന്നങ്ങളോ ചിത്രങ്ങളോ ദൃശ്യ-ശ്രവ്യ വസ്തുക്കളോ പ്രദർശിപ്പിക്കരുതെന്ന് എല്ലാ വാണിജ്യ,വ്യാപാര സ്ഥാപന ഉടമകളോടും മന്ത്രാലയം നിർദേശിച്ചു. മതപരമായ മൂല്യങ്ങളെ ആദരിക്കണമെന്നും അധികൃതർ ഓർമിപ്പിച്ചു.
ആചാരങ്ങൾക്കും പാരമ്പര്യങ്ങൾക്കും മതമൂല്യങ്ങൾക്കും വിരുദ്ധമായ മുദ്രാവാക്യങ്ങളോ ഡിസൈനുകളോ ഉള്ള ഏതെങ്കിലും ഉൽപന്നങ്ങൾ ശ്രദ്ധയിൽ പെട്ടാൽ റിപ്പോർട്ട് ചെയ്യണമെന്ന് മന്ത്രാലയം ഉപഭോക്താക്കളോട് ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
