December 08, 2021
December 08, 2021
ദോഹ : പഴയ കറൻസി നോട്ടുകൾ ബാങ്കുകളിൽ ഏല്പിച്ച് പുതിയ നോട്ടുകൾ കൈപ്പറ്റാനുള്ള സമയപരിധി ഡിസംബർ 31 ന് അവസാനിക്കുമെന്ന് ഖത്തറിലെ ബാങ്കുകൾ. എസ്എംഎസ് സന്ദേശങ്ങൾ വഴിയും ട്വിറ്റർ പോസ്റ്റുകൾ വഴിയും ബാങ്കുകൾ ഇക്കാര്യം ഉപഭോക്താക്കളെ ഓർമിപ്പിക്കുകയും ചെയ്തു.
ബാങ്കുകളിൽ നേരിട്ടെത്തിയോ എടിഎം സംവിധാനം ഉപയോഗപ്പെടുത്തിയോ നോട്ടുകൾ മാറ്റി എടുക്കാം. ദോഹ ബാങ്ക്, അഹ്‍ലി ബാങ്ക്, ക്യുഐബി, അൽ ഖലീജി തുടങ്ങിയ സുപ്രധാന ബാങ്കുകൾ ഉപഭോക്താക്കൾക്ക് ഈ കാര്യം ധരിപ്പിക്കാനായി സന്ദേശങ്ങൾ അയച്ചു.
