March 08, 2022
March 08, 2022
ദോഹ : 2022 ഫുട്ബോൾ ലോകകപ്പിന്റെ ടിക്കറ്റുകൾ ആർക്കൊക്കെ ലഭിക്കുമെന്ന് ഇന്നറിയാം. ഇന്ന് നടക്കുന്ന പ്രത്യേക നറുക്കെടുപ്പിലൂടെ, അപേക്ഷകരിൽ നിന്നും ആർക്കൊക്കെ ടിക്കറ്റ് ലഭിക്കും എന്നറിയാനാവും. ഇത്തരത്തിൽ തിരഞ്ഞെടുക്കപ്പെടുന്നവരെ ഇ മെയിലിലൂടെ വിവരമറിയിക്കുമെന്നും, ഇന്ന് രാത്രി മുതൽ തന്നെ ഇവർക്ക് പണമടയ്ക്കാൻ സാധിക്കുമെന്നും ഫിഫ വ്യക്തമാക്കി. മാർച്ച് 21 ആണ് പണം അടക്കാനുള്ള അവസാന തിയ്യതി.
അതേസമയം, പണമടക്കാൻ ഉള്ള അവസരം മാത്രമാണ് ഇതെന്നും, പുതുതായി ടിക്കറ്റ് അപേക്ഷകൾ സമർപ്പിക്കാൻ ഇപ്പോൾ കഴിയില്ലെന്നും ഫിഫ ഓർമിപ്പിച്ചു. മാർച്ച് 21 ന് മുൻപ് പണമടച്ചില്ലെങ്കിൽ ടിക്കറ്റ് ക്യാൻസൽ ആവുമെന്നും ഫിഫ വ്യക്തമാക്കി. വിദേശികൾക്കും ഖത്തർ പൗരന്മാർക്കും പണമടക്കാൻ രണ്ട് വ്യത്യസ്ത പോർട്ടലുകൾ ഫിഫയുടെ സൈറ്റിൽ ലഭ്യമാണ്. 20 ദിവസങ്ങൾ മാത്രം നീണ്ടുനിന്ന ആദ്യ ഘട്ട ടിക്കറ്റ് വില്പനയിൽ 17 മില്യൻ അപേക്ഷകളാണ് ഫിഫയ്ക്ക് ലഭിച്ചത്. ഇതിൽ 1.8 മില്യൺ അപേക്ഷകളും ലുസൈൽ സ്റ്റേഡിയത്തിൽ ഡിസംബർ 18 ന് അരങ്ങേറുന്ന കലാശപ്പോരാട്ടം വീക്ഷിക്കാനായിരുന്നു.