August 29, 2019
August 29, 2019
ദോഹ : ദോഹയിലെ അൽ ബിദ പാർക്കിനുള്ളിലെ ബാർബിക്യു സൗകര്യം ഉപയോഗിക്കാൻ ഫീസ് ഏർപ്പെടുത്തി. സെപ്റ്റംബർ 1 മുതൽ ഫീസ് ബാധകമാകും. 4 മണിക്കൂർ ബാർബിക്യു സൗകര്യം ഉപയോഗിക്കുന്നതിന് 50 റിയാലാണ് വാടക. ബാർബിക്യു ഉണ്ടാക്കാൻ 4 സമയമാണ് അനുവദിച്ചിരിക്കുന്നത്. സന്ദർശകർക്ക് തങ്ങളുടെ സൗകര്യപ്രദമായ സമയത്തേക്ക് നേരത്തെ തന്നെ ബുക്ക് ചെയ്യാം.ഡെബിറ്റ്, ക്രെഡിറ്റ് കാർഡുകൾ വഴി മാത്രമേ പണം സ്വീകരിക്കൂ എന്നും വ്യവസ്ഥയുണ്ട്.
രാവിലെ 6 മുതൽ 10 വരെ, 11 മുതൽ 3 വരെ, വൈകിട്ട് 4 മുതൽ 8 വരെയും 4-9 വരെയുമാണ് അനുവദിച്ച സമയം. 9 മണിക്കുള്ളിൽ ബാർബിക്യു അവസാനിപ്പിച്ചിരിക്കണം. ബാർബിക്യു സൗകര്യം നേരത്തെ ബുക്ക് ചെയ്യാൻ 44 28,77 09,44 28 77 77 എന്നീ നമ്പറുകളിൽ ബന്ധപ്പെടാം.
മറ്റ് നിബന്ധനകൾ ഇങ്ങനെ:
1 : ഗ്രിൽ മരത്തിന്റെ കീഴിലേക്കോ കെട്ടിടത്തിന് സമീപത്തേക്കോ നീക്കിയിടാൻ പാടില്ല.
2 : കുട്ടികളുടെ സുരക്ഷ ഉറപ്പാക്കണം. ഗ്രിൽ ചെയ്യുന്ന സ്ഥലത്ത് കുട്ടികളെയും വളർത്തുമൃഗങ്ങളേയും നിൽക്കാൻ അനുവദിക്കരുത്.
3 : ഫിക്സഡ് ഗ്രിൽ മാത്രമേ അനുവദിക്കൂ.പുറത്തു നിന്നും ഗ്രിൽ കൊണ്ടുവരാൻ അനുവദിക്കില്ല.
4 : ഗ്രില്ലിൽ വേഗം കൂട്ടാനുള്ള വസ്തുക്കൾ ഉപയോഗിക്കരുത്.
5 : ഗ്രില്ലിൽ ചാർക്കോൾ സ്റ്റാർട്ടർ ഫ്ളൂയിഡ് അല്ലെങ്കിൽ ചാർക്കോൾ ചിമ്മിനി സ്റ്റാർട്ടർ പോലുള്ള അംഗീകൃത ഉൽപന്നങ്ങൾ മാത്രം ഉപയോഗിക്കുക. ഉപയോഗം കഴിഞ്ഞ് ചാർക്കോൾ ഉത്തരവാദിത്തത്തോടെ നിർമാർജനം ചെയ്യണം.
6 : അവശിഷ്ടങ്ങളും ഭക്ഷണമാലിന്യങ്ങളും മാലിന്യപെട്ടിയിൽ മാത്രം നിക്ഷേപിക്കുക. ഗ്രില്ലും ചുറ്റുമുള്ള സ്ഥലങ്ങളും ശുചിയായി സൂക്ഷിക്കണം.