January 25, 2022
January 25, 2022
ദോഹ : ദോഹ രാജ്യാന്തര വിമാനത്താവളത്തിലെ വിവിധ നിരക്കുകൾ വർധിപ്പിച്ചത് ഖത്തറിൽ നിന്നും ഇന്ത്യയിലേക്ക് യാത്ര ചെയ്യുന്നവർക്ക് തിരിച്ചടിയാവും. വിമാനത്താവളവുമായി ബന്ധപ്പെട്ട വിവിധ ഫീസുകൾ കൂട്ടിയതായി എയർപോർട്ട് അതോറിറ്റിയാണ് അറിയിച്ചത്. വിമാനത്താവള വികസനത്തിനായി നിലവിലുണ്ടായിരുന്ന ഡെവലപ്മെന്റ് ഫീ 40 റിയാലിൽ നിന്ന് 60 റിയാലാക്കി ഉയർത്തിയിട്ടുണ്ട്. പാസഞ്ചർ ഫെസിലിറ്റീസ് ഫീസും 35 റിയാലിൽ നിന്ന് 60 റിയാലാക്കി ഉയർത്തി. ഇതിന് പുറമെ 10 റിയാൽ സേഫ്റ്റി ആന്റ് സെക്യൂരിറ്റി ഫീസും ഏർപ്പെടുത്തിയിട്ടുണ്ട്.ഇതെല്ലാം ചേരുമ്പോൾ 55 റിയാലിന്റെ വർധനയാണ് ഫലത്തിൽ ടിക്കറ്റ് നിരക്കിൽ ഉണ്ടാവുക.
ഏപ്രിൽ ഒന്നുമുതലാണ് ഈ നിരക്കുകൾ ഈടാക്കുക. എന്നാൽ നേരത്തെ എടുത്ത ടിക്കറ്റുകൾക്കും ജനുവരിയിൽ തന്നെ എടുക്കുന്ന ടിക്കറ്റുകൾക്കും അധിക തുക നൽകേണ്ടതില്ല. ഫെബ്രുവരി ഒന്നുമുതൽ എടുക്കുന്ന ടിക്കറ്റുകളിൽ യാത്ര ചെയ്യുന്നത്. ഏപ്രിൽ ഒന്നിന് ശേഷമാണെങ്കിൽ 55 റിയാൽ അധികം നൽകണം. ഇറക്കുമതിക്ക് ഒരു മെട്രിക് ടണ്ണിന് 10 റിയാൽ വെച്ചും വർധിപ്പിച്ചിട്ടുണ്ട്.