November 30, 2021
November 30, 2021
ദോഹ : ഫിഫ അറബ് കപ്പിന്റെ ആദ്യദിനത്തിലെ ഖത്തർ-ബഹ്റൈൻ പോരാട്ടം വീക്ഷിക്കാൻ എത്തുന്നവർക്ക് സ്റ്റേഡിയത്തിൽ നിന്ന് തന്നെ ഫാൻ ഐഡി കാർഡ് സ്വന്തമാക്കാം. വൈകുന്നേരം 3:30 മുതൽ തുറന്ന് പ്രവർത്തിക്കുന്ന ഈ താത്കാലിക സെന്ററിൽ മത്സരത്തിന്റെ ടിക്കറ്റുമായി എത്തുന്നവർക്ക് ഫാൻ ഐഡി കാർഡ് നൽകും.
ഓൺലൈൻ ആയി ടിക്കറ്റ് രജിസ്റ്റർ ചെയ്തവർ ഫോണിലെ ഫിഫ ടിക്കറ്റ് ആപ്പ് വഴിയുള്ള വിവരങ്ങൾ ആണ് ആണ് നൽകേണ്ടത്. ദേശീയ ടീമിന്റെ ആരാധകർക്ക് കാര്യങ്ങൾ എളുപ്പമാക്കാനാണ് പുതിയ കേന്ദ്രം തുറന്നതെന്ന് സുപ്രീം കമ്മിറ്റി അറിയിച്ചു. മത്സരത്തിന്റെ അല്പം ടിക്കറ്റുകൾ ബാക്കിയുണ്ടെന്നും, http://fifa.com/tickets വെബ്സൈറ്റിലൂടെ ഇവ സ്വന്തമാക്കാമെന്നും അധികൃതർ വ്യക്തമാക്കി.