October 21, 2021
October 21, 2021
അന്താരാഷ്ട്രതലത്തിൽ ഏറെ ഉപഭോക്താക്കളുള്ള സമൂഹമാധ്യമമാണ് ട്വിറ്റർ. പലവിഷയങ്ങളും ജനശ്രദ്ധയിലേക്ക് എത്തിക്കുന്നതിൽ വലിയ പങ്ക് വഹിച്ച ട്വിറ്ററിന്റെ ചില കുസൃതികളാണ് നിലവിൽ ഖത്തറിലെ ചർച്ചാവിഷയം. ഉപഭോക്താക്കൾക്ക് ട്വീറ്റുകൾ റിപ്പോർട്ട് ചെയ്തതിന് നന്ദി അറിയിച്ചുകൊണ്ടുള്ള സന്ദേശം എത്തിയതോടെയാണ് പ്രശ്നങ്ങൾ ഉടലെടുത്തത്.
ഒരു പോസ്റ്റ് പോലും റിപ്പോർട്ട് ചെയ്യാത്ത ഉപഭോക്താക്കൾക്ക് ആണ് ഈ നന്ദി പ്രകടനം ലഭിച്ചിരിക്കുന്നത്. റിപ്പോർട്ട് ചെയ്യപ്പെട്ടതായി ചൂണ്ടിക്കാണിക്കപ്പെട്ട പോസ്റ്റുകളിൽ ചിലത് ഖത്തർ അമീറിന്റെ അക്കൗണ്ടിൽ നിന്നുള്ളതാണ്. ചൊവ്വ, ബുധൻ ദിവസങ്ങളിലാണ് ഈ സന്ദേശങ്ങൾ പ്രത്യക്ഷപ്പെട്ടത്. ഇംഗ്ലീഷിലും അറബിയിലും എഴുതപ്പെട്ട സന്ദേശങ്ങളിൽ അക്ഷരതെറ്റുകളും കടന്നുകൂടിയിട്ടുണ്ട്. ഒരു പോസ്റ്റ് പോലും റിപ്പോർട്ട് ചെയ്യാത്ത തങ്ങൾക്ക് എങ്ങനെയാണ് ഇത്തരമൊരു സന്ദേശം ലഭിച്ചതെന്നും, ട്വിറ്റർ ഹാക്ക് ചെയ്യപ്പെട്ടതാണോ എന്ന് സംശയമുണ്ടെന്നും ഉപഭോക്താക്കളിൽ ഒരാൾ പറഞ്ഞു. സംഭവത്തിൽ ട്വിറ്റർ ഇതുവരെ പ്രതികരണം അറിയിച്ചിട്ടില്ല. യുഎഇയിൽ നിന്നുള്ള ഉപഭോക്താക്കളാണ് ഈ നീക്കത്തിന് പിന്നിലെന്നാണ് ഒരുവിഭാഗം ട്വിറ്റർ അക്കൗണ്ട് ഉടമകൾ ആരോപിക്കുന്നത്.
