August 28, 2019
August 28, 2019
ദോഹ : ഖത്തറിൽ ഗതാഗത നിയമലംഘനങ്ങൾക്കുള്ള പിഴ വർധിപ്പിച്ചതായി കാണിച്ച് സമൂഹ മാധ്യമങ്ങളിൽ പ്രചരിക്കുന്നത് വ്യാജ വാർത്തയാണെന്ന് ഗതാഗത മന്ത്രാലയം അറിയിച്ചു. മന്ത്രാലയത്തിന്റെ ഔദ്യോഗിക മുദ്രകളടങ്ങിയ അറിയിപ്പിൽ ഗതാഗത നിയമലംഘനങ്ങൾക്കുള്ള പിഴകൾ പുതുക്കി നിശ്ചയിച്ചതായി പറയുന്നുണ്ട്.കാറിൽ ഉച്ചത്തിൽ പാട്ടുവെച്ചാൽ 5000 ഖത്തർ റിയാൽ പിഴ ചുമത്തും എന്നതുൾപെടെ നിരവധി തെറ്റായ വിവരങ്ങളാണ് വാർത്തയിലുള്ളത്.ഇത് സംബന്ധിച്ച വ്യാജ അറിയിപ്പ് കഴിഞ്ഞ ദിവസങ്ങളിൽ വാട്സാപ്പ് വഴി വ്യാപകമായി പ്രചരിച്ചിരുന്നു.
എന്നാൽ ഇത് തികച്ചും വ്യാജമാണെന്നും മന്ത്രാലയത്തിന്റെ ഔദ്യോഗിക മുദ്രകൾ വ്യാജമായി നിർമിച്ച് തെറ്റായ വാർത്തകൾ പ്രചരിപ്പിക്കുകയാണെന്നും ഗതാഗത മന്ത്രാലയം ട്വീറ്റ് ചെയ്തു. ഗതാഗത നിയമലംഘനങ്ങൾ വർധിപ്പിക്കുകയോ ഭേദഗതികൾ വരുത്തുകയോ ചെയ്താൽ മന്ത്രാലയത്തിന്റെ ഔദ്യോഗിക വെബ്സൈറ്റിൽ പ്രസിദ്ധീകരിക്കുമെന്നും അധികൃതർ വ്യക്തമാക്കി.