December 03, 2021
December 03, 2021
ദോഹ : രാജ്യത്തെ ട്രാഫിക് നിയമലംഘനങ്ങൾക്കുള്ള പിഴകൾ വർദ്ധിപ്പിച്ചു എന്ന പേരിൽ സമൂഹമാധ്യമങ്ങളിൽ ഒഴുകിനടക്കുന്ന ചിത്രം വ്യാജം. ട്രാഫിക് ഡിപ്പാർട്ട്മെന്റിന്റെ ഔദ്യോഗിക ട്വിറ്റർ പേജിലൂടെയാണ് ഈ അറിയിപ്പ് വ്യാജമാണെന്ന് അധികൃതർ സ്ഥിരീകരിച്ചത്.
സീറ്റ് ബെൽറ്റ് ധരിക്കാതിരിക്കുക, അമിതവേഗതയിൽ വാഹനമോടിക്കുക തുടങ്ങിയ കുറ്റങ്ങൾക്ക് യഥാക്രമം 2000, 1600 റിയാൽ പിഴ ചുമത്തുമെന്നാണ് പ്രചരിക്കുന്ന നോട്ടീസിലുള്ളത്. ഡ്രൈവിങ്ങിനിടെ ഉച്ചത്തിൽ സംഗീതം ശ്രവിച്ചാൽ അയ്യായിരം റിയാൽ പിഴ ചുമത്തുമെന്നും നോട്ടീസിലുണ്ട്. ഇത്തരം വ്യാജവാർത്തകളിൽ വീഴരുതെന്നും, ഔദ്യോഗികവൃത്തങ്ങളിൽ നിന്നുള്ള അറിയിപ്പുകൾ മാത്രമേ ശ്രദ്ധിക്കാവൂ എന്നും ട്രാഫിക് ജനറൽ മുന്നറിയിപ്പ് നൽകി.