August 20, 2022
August 20, 2022
അൻവർ പാലേരി
ദോഹ : 2022 ഖത്തർ ലോകകപ്പിന്റെ രണ്ടാമത്തെ ഔദ്യോഗിക പ്രചാരണ സംഗീത വീഡിയോ ഫിഫ പുറത്തിറക്കി.യൂട്യൂബിൽ റിലീസ് ചെയ്ത് മിനുറ്റുകൾക്കകം ഒരു ലക്ഷത്തിലേറെ ആരാധകരാണ് വീഡിയോ കണ്ടത്.2022 ഏപ്രിൽ ഒന്നിന് പുറത്തിറങ്ങിയ 'ഹയ്യാ,ഹയ്യാ'ഇതുവരെ പതിനൊന്ന് ദശലക്ഷത്തിലധികം ആരാധകരാണ് യൂട്യൂബിൽ കണ്ടത്.ഇതിന് പിന്നാലെയാണ് ലോകകപ്പ് ആവേശം മുഴുവൻ സംഗീത,ദൃശ്യാവിഷ്കാരങ്ങളിൽ ആവാഹിച്ചുകൊണ്ടുള്ള രണ്ടാമത്തെ വീഡിയോ ഇന്ന് പുറത്തിറക്കിയത്.
കോംഗോളീസ് ഫ്രഞ്ച് റാപ്പർ ഒസുനയും പ്യൂർട്ടോ റിക്കൻ ആർട്ടിസ്റ്റുകളായ മൈട്രെ ഗിംസ് ബാൻഡും അണിനിരക്കുന്ന 'ആർബോ'(Arhbo) നിലവിൽ FIFA-യുടെ ഔദ്യോഗിക യൂട്യൂബ് ചാനലിൽ മാത്രമേ ലഭ്യമാകൂ.
തന്റെ ബാന്റിന്റെ പേരായ മൈട്രെ ഗിംസ് എന്ന പേരിലും അടുത്തിടെ ഗിംസ് എന്ന പേരിലും അറിയപ്പെടുന്ന ഗാന്ധി ബിലേൽ ജുന ലോകപ്രശസ്തനായ കോംഗോ-ഫ്രഞ്ച് റാപ്പറും ഗായകനും ഗാനരചയിതാവുമാണ്.
നിരവധി അന്താരാഷ്ട്ര പുരസ്കാരങ്ങൾ നേടിയ ഒസുന,ലാറ്റിൻ സംഗീത ലോകത്തെ ഏറ്റവും പ്രശസ്തയും ലോകമെമ്പാടും ആരാധകരുള്ള ഗായികയുമാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക