February 06, 2021
February 06, 2021
ദോഹ: ഫിഫ ക്ലബ് വേൾഡ് കപ്പിന്റെ സെമി ഫൈനൽ മത്സരങ്ങൾ ലുസൈലിലെ ഡ്രൈവ്-ഇൻ തിയേറ്ററിൽ പ്രദർശിപ്പിക്കുമെന്ന് ഖത്തർ നേഷണൽ ടൂറിസം കൗൺസിലും ദോഹ ഫിലിം ഇൻസ്റിറ്യൂട്ടും അറിയിച്ചു.ഫെബ്രുവരി 7, 8 ദിവസങ്ങളിലാണ് സെമി ഫൈനൽ മത്സരങ്ങൾ.
കോവിഡ് മൂലം രാജ്യത്ത് വീണ്ടും നിയന്ത്രണങ്ങൾ ഏർപ്പെടുത്തിയ പശ്ചാത്തലത്തിലാണ് മത്സരങ്ങൾ ഡ്രൈവ്-ഇൻ തിയേറ്ററിൽ കാണിക്കുന്നത്. പക്ഷെ 159 കാറുകൾക്ക് മാത്രമാണ് പാർക് ചെയ്യാൻ സൗകര്യമുള്ളത്‌. ടിക്കറ്റ് നിരക്ക് 120 മുതൽ 150 റിയൽ വരെയാണ്.
ഒരു കാറിനാണ് ഒരു ടിക്കറ്റ്. ഒരു കാറിൽ പന്ത്രണ്ടു വയസ്സിന് മുകളിലുള്ള നാല് യാത്രക്കാർക്ക് വരെ ഇരിക്കാം. കോവിഡ് മുൻകരുതൽ നിയമങ്ങൾ എല്ലാവർക്കും ബാധകമായിരിക്കും.
ആദ്യ സെമി ഫൈനൽ മത്സരം നാളെ രാത്രി 9 മണിക്കും രണ്ടാം സെമി ഫൈനൽ മത്സരം എട്ടാം തിയ്യതി ഒമ്പതു മണിക്കും നടക്കും. ടിക്കറ്റ് ബുക്ക് ചെയ്യാനുള്ള ലിങ്ക്: https://www.dohafilminstitute.com/nowplaying .
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
