June 08, 2021
June 08, 2021
ദോഹ : ഖത്തറിൽ പഴയ കറൻസികൾ കൈവശമുള്ളവർ ജൂലായ് ഒന്നിന് മുമ്പ് അവ മാറ്റിവാങ്ങണമെന്ന് നിർദേശം..പഴയ നോട്ടുകൾ കൈമാറുന്നതിനുള്ള അവസാന തീയതിയായ ജൂലൈ 1 വരെ ബാങ്കുകളിൽ നിന്ന് ഇവ മാറ്റിവാങ്ങാവുന്നതാണ്.ഖത്തർ നാഷണൽ ബാങ്ക്(ക്യൂ.എൻ.ബി) ട്വിറ്ററിലാണ് ഇക്കാര്യം അറിയിച്ചത്. പഴയ നോട്ടുകൾ ക്യുഎൻബി എടിഎമ്മുകൾ, ഐടിഎമ്മുകൾ, ബൾക്ക് ഡെപ്പോസിറ്റ് മെഷീനുകൾ എന്നിവയിൽ നിക്ഷേപിക്കാനും കഴിയും.
2020 ഡിസംബർ പതിനെട്ടിനാണ് ഖത്തറിൽ അഞ്ചാം സീരീസിലുള്ള പുതിയ കറൻസികൾ പ്രാബല്യത്തിൽ വന്നത്.മൂന്നു മാസത്തിനകം കറൻസികൾ മാറ്റിവാങ്ങണമെന്നാണ് ആദ്യം നിര്ദേശിച്ചിരുന്നതെങ്കിലും പിന്നീട് ജൂലായ് ഒന്ന് വരെ കാലാവധി നീട്ടിനൽകുകയായിരുന്നു.
നിങ്ങൾ നേരിടുന്ന പ്രശ്നങ്ങൾ ന്യൂസ്റൂമുമായി പങ്കുവെക്കാൻ വാട്സ്ആപ് ചെയ്യുക : 00974 66200 167