February 23, 2022
February 23, 2022
ദോഹ : മനുഷ്യശരീരത്തിന് ഹാനികരമായ അളവിൽ ബാക്ടീരിയകളുടെ സാന്നിധ്യം കണ്ടെത്തിയ പാൽ ഉത്പന്നങ്ങൾ ഉപയോഗിക്കരുതെന്ന് ആരോഗ്യ മന്ത്രാലയത്തിന്റെ മുന്നറിയിപ്പ്. അമേരിക്കൻ കമ്പനിയായ 'ആബോട്ടി'ന്റെ ചില ഉത്പന്നങ്ങളിലാണ് സാൽമൊണെല്ല, ക്രോണോബാക്ടർ എന്നീ ബാക്ടീരിയകൾ അളവിലധികം ഉള്ളതായി കണ്ടെത്തിയത്. കുട്ടികളുടെ ആരോഗ്യം മുൻനിർത്തി, ഈ ഉത്പന്നങ്ങൾ ഒഴിവാക്കണമെന്ന് മന്ത്രാലയം നിർദേശിച്ചു.
അന്താരാഷ്ട്ര ഭക്ഷ്യ സുരക്ഷാ സംഘടനയായ 'ഇൻഫോസാനി'ന്റെ നിർദ്ദേശം ലഭിച്ചയുടൻ ഖത്തർ അധികൃതർ വേണ്ട മുൻകരുതലുകൾ സ്വീകരിച്ചു. ഉത്പന്നങ്ങൾ വിപണിയിൽ നിന്ന് പിൻവലിക്കുകയും, സാമ്പിളുകൾ വിശദപരിശോധനയ്ക്ക് അയക്കുകയും ചെയ്തിട്ടുണ്ട്. ആബോട്ടിന്റെ 'സിമിലാക് ഹ്യൂമൻ മിൽക്ക് ഫോർട്ടിഫയർ', 'ഇലെകെയർ', 'ഇലെകെയർ ജൂനിയർ' എന്നീ ഉത്പന്നങ്ങൾക്കാണ് നിരോധനം. പ്രൊഡക്ട് കോഡിലെ ആദ്യ രണ്ടക്കം 22 മുതൽ 37 വരെ ഉള്ള ഉത്പന്നങ്ങൾക്കാണ് വിലക്ക്. പിഴവ് പറ്റിയ കാര്യം തുറന്ന് സമ്മതിച്ച ആബോട്ട് കമ്പനി, ഉത്പന്നങ്ങൾ വിപണിയിൽ നിന്നും തിരിച്ചുവിളിക്കുമെന്ന് പ്രഖ്യാപിച്ചിട്ടുണ്ട്.