June 28, 2022
June 28, 2022
ദോഹ: അൽ വക്ര തുരങ്കപാതയും അൽ വക്ര ഇന്റർസെക്ഷനും ഉൾപ്പെടുന്ന വക്ര റോഡ് എട്ടുമണിക്കൂർ സമയം അടച്ചിടുമെന്ന് പൊതുമരാമത്ത് വിഭാഗമായ അഷ്ഗാൽ അറിയിച്ചു.2022 ജൂലൈ 1 വെള്ളിയാഴ്ച, പുലർച്ചെ 2 മുതൽ രാവിലെ 10 വരെയായിരിക്കും നിയന്ത്രണം.അൽ വക്ര മെയിൻ റോഡ് പദ്ധതിയുടെ ഭാഗമായി ഗാൻട്രികൾ സ്ഥാപിക്കുന്നതിനായാണ് ഗതാഗത നിയന്ത്രണം ഏർപ്പെടുത്തുന്നത്.
ഈ കാലയളവിൽ അൽ വക്ര ന്യൂ റോഡിലേക്ക് ഗതാഗതം തിരിച്ചുവിടും.ദോഹയിൽ നിന്ന് അൽ വക്രയിലേക്ക് വരുന്ന റോഡ് ഉപയോക്താക്കൾ ബർവ വില്ലേജിലേക്കുള്ള വഴിയിൽ വലത്തേക്ക് തിരിഞ്ഞ് അൽ വക്ര ന്യൂ റോഡിലേക്ക് ഇടത്തേക്ക് തിരിഞ്ഞ് പോകണമെന്നും ട്രാഫിക് മന്ത്രാലയം സ്ഥാപിക്കുന്ന വഴിസൂചകങ്ങൾ പിന്തുടരണമെന്നും അഷ്ഗാൽ സമൂഹ മാധ്യമ അക്കൗണ്ട് വഴി അറിയിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക