May 05, 2022
May 05, 2022
ദോഹ : വിദ്വേഷ പരാമർശത്തിന്റെ പേരിൽ മലയാളം മിഷൻ ഖത്തർ കോഡിനേറ്റർ പദവിയിൽ നിന്ന് നീക്കം ചെയ്ത ദുർഗാദാസിനെ ഖത്തറിൽ അദ്ദേഹം ജോലി ചെയ്തിരുന്ന കമ്പനിയിൽ നിന്നും പിരിച്ചുവിട്ടു.ദോഹയിലെ അൽഫർദാൻ സെന്ററിൽ പ്രവർത്തിക്കുന്ന നാരംഗ് പ്രോജെക്റ്റ്സ് ആണ് തങ്ങളുടെ സ്ഥാപനത്തിൽ ചീഫ് അക്കൗണ്ടന്റായി ജോലി ചെയ്തിരുന്ന ദുർഗാദാസിനെ ജോലിയിൽ നിന്ന് പിരിച്ചുവിട്ട വിവരം ഔദ്യോഗികമായി അറിയിച്ചത്.ദുർഗാദാസിനെതിനെതിരെ ലഭിച്ച പരാതിക്ക് മറുപടിയായാണ് കമ്പനിയുടെ റീജിയണൽ ഡയറക്റ്റർ ടിം മോർഫി ദുർഗാ ദാസിനെ പിരിച്ചുവിട്ട വിവരം ഇ മെയിൽ വഴി അറിയിച്ചത്.ഖത്തറിന് പുറമെ ദുബായ്,സൗദി അറേബ്യ,ഈജിപ്ത് എന്നീ അറബ് രാജ്യങ്ങളിലും കമ്പനി പ്രവർത്തിക്കുന്നുണ്ട്.
തിരുവനന്തപുരത്തെ അനന്തപുരിയിൽ നടന്ന ഹിന്ദു മഹാസമ്മേളനത്തിൽ ഗൾഫിലെ നേഴ്സിംഗ് മേഖലയിൽ ജോലി ചെയ്യുന്നവരെയും ഒരു പ്രത്യേക മതവിഭാഗത്തെയും അപമാനിക്കുന്ന തരത്തിൽ ദുർഗാദാസ് നടത്തിയ നീചമായ പരാമർശത്തിനെതിരെ ലോകമെമ്പാടുമുള്ള മലയാളികൾ കടുത്ത എതിർപ്പുമായി രംഗത്തെത്തിയിരുന്നു.ഗൾഫിൽ വ്യാപകമായി മത പരിവർത്തനം നടക്കുന്നുണ്ടെന്നും ഗൾഫ് രാജ്യങ്ങളിലേക്ക് നേഴ്‌സുമാരെ റിക്രൂട്ട് ചെയ്യുന്നത് തീവ്രവാദികൾക്ക് ലൈംഗിക സേവ ചെയ്യാനാണ് എന്നുമായിരുന്നു ദുർഗാദാസിന്റെ വിവാദ പരാമർശം.ഇതിനെതിരെ നടപടി ആവശ്യപ്പെട്ട് ഖത്തറിലെ നേഴ്‌സുമാരുടെ സംഘടനയായ 'യുണീക്' ഉൾപെടെ നിരവധി സംഘടനകൾ മുഖ്യമന്ത്രിക്കും ഡിജിപിക്കും പരാതി നൽകിയിട്ടുണ്ട്.ഇതിന് പിന്നാലെ മലയാളം മിഷൻ ഖത്തർ കോഡിനേറ്റർ എന്ന പദവിയിൽ നിന്ന് അദ്ദേഹത്തെ നീക്കം ചെയ്തിട്ടുണ്ട്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
