February 24, 2022
February 24, 2022
ദോഹ : ഹമദ് രാജ്യാന്തര വിമാനത്താവളം വഴി കടത്താൻ ശ്രമിച്ച 4.70 കിലോ 'ഷാബു' ലഹരിമരുന്ന്, ഹമദ് കസ്റ്റംസ് ഡിപ്പാർട്ട്മെന്റ് പിടികൂടി. ഏഷ്യയിൽ പ്രചാരത്തിലുള്ള മെത്താഫെറ്റാമൈൻ എന്ന ലഹരിമരുന്നിന്റെ പ്രാദേശികമായ പേരാണ് 'ഷാബു'. മയക്കുമരുന്ന് പിടിച്ചെടുത്തതിന്റെ ഫോട്ടോയും വീഡിയോയും സമൂഹമാധ്യമത്തിലൂടെ കസ്റ്റംസ് പങ്കുവെച്ചു.
യാത്രക്കാരന്റെ ബാഗിനുള്ളിൽ ഒളിപ്പിച്ച നിലയിലായിരുന്നു മയക്കുമരുന്ന്. നടപടിക്രമങ്ങൾ പൂർത്തിയാക്കിയ ശേഷം ലഹരി മരുന്ന് ബന്ധപ്പെട്ട അധികൃതർക്ക് കൈമാറി. രാജ്യത്തേക്ക് ലഹരിമരുന്ന് വൻ തോതിൽ കടത്തുന്നുവെന്ന റിപ്പോർട്ട് ലഭിച്ചതിന് പിന്നാലെ കസ്റ്റംസ് പരിശോധന കർശനമാക്കിയിട്ടുണ്ട്.
