September 23, 2021
September 23, 2021
ദോഹ : യുണൈറ്റഡ് നേഷൻസിന്റെ 76 മത് സമ്മേളനത്തിൽ ഖത്തർ അമീർ ഷെയ്ഖ് തമിം ബിൻ ഹമദ് അൽ താനി നടത്തിയ പ്രസംഗത്തെ അഭിനന്ദിച്ച് വിവിധ രാജ്യങ്ങളിലെ ഖത്തർ അംബാസിഡർമാർ രംഗത്തെത്തി. യുണൈറ്റഡ് നേഷൻസിൽ അൻപത് വർഷം പൂർത്തിയാക്കിയ ഖത്തറിനെ അനുമോദിച്ച ഇന്ത്യൻ അംബാസിഡർ, ഖത്തറുമായി മികച്ച സൗഹൃദം പുലർത്താൻ തന്റെ രാജ്യത്തിന് സാധിക്കുന്നതിൽ സന്തോഷമുണ്ടെന്നും കൂട്ടിച്ചേർത്തു. കോവിഡ് പ്രതിസന്ധി, അഫ്ഗാനിലെ സ്ഥിതിഗതികൾ, പശ്ചിമ ഏഷ്യയിലേയും വടക്കൻ ആഫ്രിക്കയിലേയും പ്രശ്നങ്ങൾ, മാനവരാശിക്ക് തീവ്രവാദവും കാലാവസ്ഥാ വ്യതിയാനവും ഉയർത്തുന്ന വെല്ലുവിളികൾ തുടങ്ങി അമീർ ചർച്ച ചെയ്ത ഓരോ വിഷയത്തിലും ഇന്ത്യയുടെ പിന്തുണയും അംബാസിഡർ രേഖപ്പെടുത്തി. പലമേഖലകളും ഖത്തറുമായി സഹകരിച്ച് പ്രവർത്തിച്ചുകൊണ്ട് യുണൈറ്റഡ് നേഷൻസിന്റെ ശക്തി വർധിപ്പിക്കാൻ ഇന്ത്യക്ക് കഴിയുമെന്ന പ്രതീക്ഷയും ദീപക് മിത്തൽ പങ്കുവെച്ചു.
ഇക്കഴിഞ്ഞ ചൊവ്വാഴ്ച യു.എൻ ആസ്ഥാനത്ത് നടന്ന ലോകരാഷ്ട്രങ്ങളുടെ സമ്മേളനത്തിൽ അഫ്ഗാൻ വിഷയത്തിലും കോവിഡ് വ്യാപനം ലോകത്തുണ്ടാക്കിയ പ്രതിസന്ധിയെ കുറിച്ചും തുടർന്ന് സ്വീകരിക്കേണ്ട നിലപാടുകളെ കുറിച്ചും അമീർ ഖത്തറിന്റെ നിലപാടുകൾ വ്യക്തമാക്കിയിരുന്നു.
ലോകം നേരിടുന്ന പല പ്രതിസന്ധികളെയും കൃത്യമായി അഭിസംബോധന ചെയ്ത പ്രസംഗത്തെ പ്രശംസിച്ചു കൊണ്ട് തുർക്കി, ഒമാൻ, പാക്കിസ്ഥാൻ, ബംഗ്ലാദേശ് എന്നീ രാജ്യങ്ങളുടെ അംബാസിഡർമാരും രംഗത്തെത്തി.
വെൽകെയർ ഫാർമസിയുടെ ഖത്തറിലെ 75മത് ശാഖയുടെ ഉത്ഘാടനം അൽ ഗറാഫയിലെ എസ്ദാൻ മാളിൽ ഇന്ന് വൈകീട്ട് 4.30ന് ഖത്തറിലെ ഇന്ത്യൻ അംബാസിഡർ ഡോ.ദീപക് മിത്തൽ നിർവഹിക്കുന്നു