March 31, 2023
March 31, 2023
ന്യൂസ്റൂം ബ്യുറോ
ദോഹ: ഖത്തർ ഫൗണ്ടേഷനിലെ ഓക്സിജൻ പാർക്കിൽ ഇന്ന് രാത്രി 9 മണിക്ക് മലയാളികൾക്കുള്ള റമദാൻ പ്രഭാഷണത്തിൽ യുവ പണ്ഡിതനും പ്രഭാഷകനുമായ ഡോ.അബ്ദുൽ വാസിഅ് സംസാരിക്കും.അബ്ദുല്ല ബിൻ സെയ്ദ് അൽ മഹ്മൂദ് ഇസ്ലാമിക് കൾച്ചറൽ സെന്റർ (ഫനാർ) ആണ് പരിപാടി സംഘടിപ്പിക്കുന്നത്.
മലേഷ്യയിലെ ഇന്റർനാഷണൽ ഇസ്ലാമിക് യൂണിവേഴ്സിറ്റിയിൽ നിന്ന് ഇസ്ലാമിക് ജൂറിസ്പ്രൂഡൻസിൽ പിഎച്ച്ഡി നേടിയ ഡോ. അബ്ദുൾ വാസിഅ്, കേരളത്തിലെ ഇസ്ലാമിക് യൂണിവേഴ്സിറ്റിയിലെ ശരീഅത്ത് ഫാക്കൽറ്റിയുടെ മുൻ ഡീനായിരുന്നു.
കേരള ഇസ്ലാമിക് സ്കോളേഴ്സ് കൗൺസിൽ അംഗവും ഖത്തറിലെ സെന്റർ ഫോർ ഇന്ത്യൻ കമ്മ്യൂണിറ്റിയുടെ (സിഐസി) ഗവേഷണ വിഭാഗമായ സെന്റർ ഫോർ സ്റ്റഡി ആൻഡ് റിസർച്ച് ദോഹയുടെ (സിഎസ്ആർ- ദോഹ) ഡയറക്ടറുമാണ്. ദോഹയിലെ അൽ മദ്രസ അൽ ഇസ്ലാമിയയുടെ പ്രിൻസിപ്പൽ കൂടിയാണ് ഡോ.വാസിഅ്.
പരിപാടിയിൽ എല്ലാ മലയാളിസഹോദരങ്ങളും പങ്കെടുക്കണമെന്ന് സി. ഐ. സി. പ്രസിഡണ്ട്, ഖാസിം ടി. കെ. അഭ്യർത്ഥിച്ചു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI