April 09, 2022
April 09, 2022
ദോഹ : ഖത്തർ ടൂറിസം സംഘടിപ്പിക്കുന്ന 'ദോഹ ജ്വല്ലറി ആൻഡ് വാച്ച് എക്സിബിഷൻ (DJWE) മെയ് ഒൻപതിന് ആരംഭിക്കും. അഞ്ച് ദിവസം നീണ്ടുനിൽക്കുന്ന മേളയ്ക്ക് ദോഹ എക്സിബിഷൻ ആൻഡ് കൺവെൻഷൻ സെന്ററാണ് വേദിയാവുക. ആഗോളതലത്തിലെ പ്രമുഖബ്രാൻഡുകൾ മേളയിൽ ഉത്പന്നങ്ങൾ പരിചയപ്പെടുത്തും.
ഏറെ വർഷങ്ങളായി നടക്കുന്ന മേളയുടെ പതിനേഴാം പതിപ്പാണ് ഈ വർഷം അരങ്ങേറുന്നത്. കഴിഞ്ഞ എഡിഷനിൽ പതിനാല് രാജ്യങ്ങളിൽ നിന്നായി 129 കമ്പനികളാണ് തങ്ങളുടെ ഉത്പന്നങ്ങൾ പ്രദർശിപ്പിച്ചത്. മുപ്പതിനായിരത്തിലധികം ആളുകൾ മേള കാണാനെത്തുകയും ചെയ്തു. അന്താരാഷ്ട്ര ബ്രാൻഡുകൾക്കൊപ്പം, ഖത്തറിൽ നിന്നുള്ള യുവസംരംഭകർക്കും ഇടംനൽകാറുണ്ടെന്നതാണ് മേളയുടെ സവിശേഷത. ഇന്ത്യയുടെ തനത് ആഭരങ്ങളുമായി ഇന്ത്യൻ പവലിയനും ആഭരണമേളയുടെ മോടി കൂട്ടും.