December 10, 2019
December 10, 2019
ദോഹ : ദോഹ മെട്രോ ഗ്രീൻ ലൈൻ ഇന്ന് രാവിലെ സർവീസ് തുടങ്ങി. മൻസൂറ മുതൽ അൽ റിഫ വരെ നീളുന്ന ദോഹയുടെ കിഴക്ക് പടിഞ്ഞാറ് ദിശയിലേക്കുള്ള ഗ്രീൻ ലൈനിൽ മൊത്തം 11 സ്റ്റേഷനുകളാണ് ഉള്ളത്. മൻസൂറ,മുശൈരിബ്,അൽ ബിദ,വൈറ്റ് പാലസ്,ഹമദ് ഹോസ്പിറ്റൽ,മിസൈല,റയാൻ അൽ ഖദീം, അൽ ശഖബ്,ഖത്തർ നാഷണൽ ലൈബ്രറി,എജുക്കേഷൻ സിറ്റി എന്നിവ പിന്നിട്ട് അൽ റിഫയിൽ സർവീസ് അവസാനിക്കും.അൽ റിഫ സ്റ്റേഷനെ മാൾ ഓഫ് ഖത്തറുമായി ബന്ധിപ്പിച്ചുകൊണ്ടു നടപ്പാലവും നിർമിച്ചിട്ടുണ്ട്.
ഇതോടൊപ്പം ദോഹ മെട്രോ റെഡ്‌ലൈനിലെ അവശേഷിക്കുന്ന നാല് സ്റ്റേഷനുകളും ഇന്ന് യാത്രക്കാർക്കായി തുറന്നു.റെഡ്‌ലൈനിലെ ഹമദ് രാജ്യാന്തര വിമാനത്താവളം,,കത്താറ,ഖത്തർ യൂണിവേഴ്‌സിറ്റി, ലുസൈൽ എന്നീ സ്റ്റേഷനുകളാണ് പുതുതായി തുറന്നത്.
