March 22, 2022
March 22, 2022
ദോഹ : 2019 ൽ സേവനം ആരംഭിച്ചത് മുതൽ, അൻപത് മില്യൺ ആളുകൾ ദോഹ മെട്രോയുടെ സേവനം പ്രയോജനപ്പെടുത്തിയതായി കണക്കുകൾ. ഖത്തർ റെയിൽവേയ്സ് കമ്പനിയാണ് വാർത്ത പുറത്തുവിട്ടത്. കേവലം മൂന്ന് വർഷത്തിനുള്ളിലാണ് ദോഹ മെട്രോ ഇത്രയധികം പേരിലേക്ക് തങ്ങളുടെ സേവനമെത്തിച്ചത്.
അറബ് കപ്പ്, അമീർ കപ്പ് മുതലായ ഫുട്‍ബോൾ ടൂർണമെന്റുകളുടെ സമയത്തും, നിരവധി പേർ മെട്രോയുടെ സേവനം ഉപയോഗപ്പെടുത്തിയിരുന്നു. നവംബറിൽ നടക്കാനിരിക്കുന്ന ഫിഫ ലോകകപ്പുമായി ബന്ധപ്പെട്ട ഗതാഗതത്തിലും മെട്രോ വലിയ പങ്ക് വഹിക്കും. ലോകകപ്പിന്റെ എട്ട് വേദികളിൽ അഞ്ചിലേക്കും മെട്രോ സർവീസ് വഴി എളുപ്പമെത്താം.
