September 08, 2021
September 08, 2021
ദോഹ : ഇന്ത്യയിലെ സുപ്രധാനവിമാനത്താവളങ്ങളിൽ ഒന്നായ മുംബൈയിൽ നിന്നും ഏറ്റവുമധികം ആളുകൾ സഞ്ചരിച്ചത് ദോഹയിലേക്കെന്ന് കണക്കുകൾ. മുംബൈ വിമാനത്താവളം പുറത്തുവിട്ട ആഗസ്ത് മാസത്തിലെ കണക്കുകൾ പ്രകാരം 41,410 യാത്രികരാണ് മുംബൈയിൽ നിന്നും ദോഹ ലക്ഷ്യമാക്കി പറന്നത്. ലിസ്റ്റിൽ 37,126 യാത്രക്കാരുമായി ദുബായ് വിമാനത്താവളം രണ്ടാമത് എത്തിയപ്പോൾ, 18,190 പേർ യാത്ര ചെയ്ത മാലിക്കാണ് മൂന്നാം സ്ഥാനം.
ഖത്തർ എയർവേയ്സ്, ഇൻഡിഗോ, ഗോ ഫസ്റ്റ്, എയർ ഇന്ത്യ തുടങ്ങിയ കമ്പനികളുടെ വിമാനങ്ങളാണ് മുംബൈയിൽ നിന്നും ദോഹയിലേക്ക് നേരിട്ടു സർവീസ് നടത്തുന്നത്. ആഫ്രിക്കയിലേക്കും, അമേരിക്കയിലേക്കും, യൂറോപ്പിലേക്കും പോവാനുള്ള യാത്രക്കാർ, കണക്ഷൻ വിമാനത്തിന് വേണ്ടി പലപ്പോഴും തിരഞ്ഞെടുക്കുന്നത് ദോഹയിലെ ഹമദ് അന്താരാഷ്ട്ര വിമാനത്താവളം ആണെന്നതും യാത്രികരുടെ വർദ്ധനവിന് കാരണമായി. കോവിഡ് പ്രതിസന്ധിയിൽ നേരിയ കുറവുള്ളതിനാൽ യാത്രക്കാരുടെ എണ്ണത്തിൽ വൻ വർദ്ധന ഉണ്ടായതായും മുംബൈ വിമാനത്താവള അധികൃതർ വ്യക്തമാക്കി. 2020 ആഗസ്റ്റിൽ മുംബൈ വിമാനത്താവളത്തിലൂടെ 4 ലക്ഷം പേർ യാത്ര ചെയ്തപ്പോൾ, ഈ വർഷം 15 ലക്ഷം പേരാണ് ആഗസ്ത് മാസത്തിൽ ദോഹയിലേക്ക് യാത്ര ചെയ്തത്.