November 10, 2021
November 10, 2021
ദോഹ : അന്താരാഷ്ട്ര സംഘടനയായ യുനെസ്കോയുടെ 'ക്രിയേറ്റീവ് നഗരങ്ങളുടെ' പട്ടികയിൽ ദോഹ ഇടംപിടിച്ചു. നഗരങ്ങളുടെ കരകൗശലപരമായ സൗന്ദര്യം, സാഹിത്യ-സിനിമരംഗത്തിന് നഗരം നൽകിയിട്ടുള്ള പ്രാധാന്യം തുടങ്ങിയ ഏഴോളം മാനദണ്ഡങ്ങൾ വിലയിരുത്തിയാണ് യുനെസ്കോ സമിതി ക്രിയേറ്റീവ് നഗരങ്ങളെ തിരഞ്ഞെടുക്കുന്നത്.
ദോഹ അടക്കം 49 നഗരങ്ങൾക്ക് കൂടി അംഗീകാരം ലഭിച്ചതോടെ 295 നഗരങ്ങളാണ് നിലവിൽ യുനെസ്കോയുടെ ഈ പട്ടികയിൽ ഉള്ളത്. ഈ മേഖലയിൽ നിന്നും ഇതാദ്യമായാണ് ഒരു നഗരം സവിശേഷമായ ഈ ലിസ്റ്റിൽ ഇടംപിടിക്കുന്നത്. നേട്ടത്തിലെ സന്തോഷം പ്രകടിപ്പിച്ച് ഖത്തർ മ്യൂസിയങ്ങളുടെ ചെയർപേഴ്സൺ ഷെയ്ഖ് അൽ മയാസ്സ ബിൻത് ഹമദ് ബിൻ ഖലീഫ അൽ താനിയും, ദോഹയെ അഭിനന്ദിച്ച് യുനെസ്കോയുടെ ദോഹ കാര്യാലയ മേധാവി അന്ന പാവോലിനിയും ട്വീറ്റുകൾ കുറിച്ചു. 2004 ലാണ് യുനെസ്കോ ആദ്യമായി ക്രിയേറ്റീവ് നഗരങ്ങളുടെ പട്ടിക പ്രസിദ്ധീകരിച്ചത്.