January 13, 2022
January 13, 2022
ദോഹ : ദോഹ അന്താരാഷ്ട്ര പുസ്തക മേളയുടെ 31ആം പതിപ്പിന് ഇന്ന് ആരംഭം. ദോഹ എക്സിബിഷൻ ആൻഡ് കൺവെൻഷൻ സെന്ററിൽ നടക്കുന്ന മേളയിൽ 37 രാജ്യങ്ങളിൽ നിന്നുള്ള പ്രസാധകരാണ് പങ്കെടുക്കുന്നത്. സാംസ്കാരിക മന്ത്രാലയം അണിയിച്ചൊരുക്കുന്ന മേളയുടെ ഈ വർഷത്തെ മുദ്രാവാക്യം 'അറിവ് വെളിച്ചമാണ്' എന്നതാണ്. ജനുവരി 22 വരെ മേള നീണ്ടുനിൽക്കും.
രാവിലെ ഒൻപത് മണി മുതൽ രാത്രി പത്ത് മണി വരെയാണ് സന്ദർശകരെ അനുവദിക്കുക. വെള്ളിയാഴ്ച്ചകളിൽ ഉച്ചക്ക് മൂന്ന് മണി മുതൽ രാത്രി പത്ത് മണിവരെയാണ് സമയം. 430 പ്രസാധകരാണ് മേളയ്ക്ക് രജിസ്റ്റർ ചെയ്തതെന്ന് സംഘാടകർ അറിയിച്ചു. ഖത്തറിന്റെ പൈതൃകം ഉയർത്തിപ്പിടിക്കുന്ന പുസ്തകമേളയ്ക്കാണ് ദോഹ തയ്യാറെടുക്കുന്നതെന്ന് മേളയുടെ ഡയറക്ടർ ജാസിം അൽബുനൈൻ അവകാശപ്പെട്ടു. പരമാവധി ശേഷിയുടെ 30 ശതമാനം ആളുകൾക്കായിരിക്കും മേള നടക്കുന്ന ഇടത്ത് പ്രവേശനം ലഭിക്കുക. ഓൺലൈൻ ആയി രജിസ്റ്റർ ചെയ്യുകയും, വാക്സിനേഷൻ പൂർത്തിയാക്കുകയും ചെയ്തവർക്ക് മാത്രമേ പ്രവേശനം അനുവദിക്കൂ എന്നും സംഘാടകർ വ്യക്തമാക്കി.