November 19, 2019
November 19, 2019
ദോഹ : ദോഹ മെട്രോയുടെ ഗോൾഡ് ലൈൻ നവംബർ 21ന് വ്യാഴാഴ്ച പരീക്ഷണാടിസ്ഥാനത്തിൽ ഓടിത്തുടങ്ങുമെന്ന് ഗതാഗത - വാർത്താവിനിമയ മന്ത്രാലയം അറിയിച്ചു. റാസ് ബു അബൂദ് സ്റ്റേഷൻ മുതൽ അൽ അസീസിയ സ്റ്റേഷൻ വരെ പതിനൊന്ന് സ്റ്റേഷനുകളെ ബന്ധിപ്പിച്ചുകൊണ്ടുള്ളതാണ് ഗോൾഡ് ലൈൻ. റാസ് ബു അബൂദിൽ തുടങ്ങി നാഷണൽ മ്യുസിയം, സൂഖ് വാഖിഫ്, മുശൈരിബ്, ബിൻ മഹമൂദ്, അൽ സദ്ദ്, സുദാൻ, ജവാൻ, അൽ വാബ്‌, സ്പോർട്സ് സിറ്റി എന്നീ സ്റ്റേഷനുകൾ പിന്നിട്ട് അസീസിയ വരെ നീളുന്നതാണ് ഗോൾഡ് ലൈൻ.
ശനി മുതൽ വ്യാഴം വരെ രാവിലെ 6 മുതൽ രാത്രി 11 വരെയും വെള്ളിയാഴ്ചകളിൽ ഉച്ചയ്ക്ക് 2 മുതൽ രാത്രി 11 വരെയുമാണ് ഗോൾഡ് ലൈൻ സർവീസുകൾ നടത്തുക.
ലുസൈൽ മുതൽ അൽ വക്ര വരെയുള്ള റെഡ് ലൈൻ മാത്രമാണ് നിലവിൽ സർവീസ് നടത്തുന്നത്.
ഖത്തർ - ഗൾഫ് വാർത്തകൾ ഏറ്റവുമാദ്യം കൃത്യതയോടെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശം അയക്കുക
