February 23, 2022
February 23, 2022
ദോഹ : രാജ്യത്തെ ദ്രവീകൃത പ്രകൃതി വാതക ഉത്പാദനം 2027 ആവുമ്പോഴേക്കും 126 ദശലക്ഷം ടൺ ആയി വർധിക്കുമെന്ന് ഖത്തർ അമീർ ഷെയ്ഖ് തമീം ബിൻ ഹമദ് അൽ താനി പ്രതീക്ഷ പ്രകടിപ്പിച്ചു. ആഗോള പ്രകൃതി വാതക കയറ്റുമതി ഉച്ചകോടിയിലാണ് അമീർ ഈ പ്രഖ്യാപനം നടത്തിയത്. നിലവിൽ 77 ദശലക്ഷമാണ് ഖത്തറിന്റെ പ്രതിവർഷ ഉല്പാദന ശേഷി. ദോഹ വേദിയായ ഉച്ചകോടിയിൽ 11 അംഗരാജ്യങ്ങളും, 7 നിരീക്ഷക രാജ്യങ്ങളും പങ്കെടുത്തു.
പ്രകൃതി സംരക്ഷണം മുൻനിർത്തി, കാർബൺ രഹിത ഇന്ധനകളിലേക്ക് ലോകരാജ്യങ്ങൾ മാറേണ്ടതിന്റെ ആവശ്യകത ഉച്ചകോടിയിൽ ചർച്ച ചെയ്തു. കാലാവസ്ഥാ വ്യതിയാനത്തിന് തടയിട്ടുകൊണ്ട്, സാമ്പത്തിക വളർച്ച കൈവരിക്കാനുള്ള അവസരമായി കോവിഡ് അനുബന്ധ പ്രതിസന്ധികളെ കാണണമെന്നും ഉച്ചകോടി നിരീക്ഷിച്ചു. ലോകത്തിന്റെ ഊർജ്ജ ആവശ്യങ്ങൾ നിറവേറ്റാൻ രാജ്യങ്ങളുടെ പരസ്പരസഹകരണം അനിവാര്യമാണ് എന്നും ഖത്തർ അമീർ പ്രസ്താവിച്ചു.