October 23, 2021
October 23, 2021
ദോഹ: സൂക്ക് വാഖിഫിൽ ഒക്ടോബർ പതിനാലിന് ആരംഭിച്ച ഈത്തപ്പഴമേള ഇന്ന് അവസാനിക്കും. സന്ദർശികരുടെ തിരക്കിനാൽ വൻ വിജയമായിത്തീർന്ന മേളയിൽ ഒക്ടോബർ 21 വരെയുള്ള കണക്കുകൾ പ്രകാരം 39 ടൺ ഈത്തപ്പഴമാണ് വിറ്റഴിഞ്ഞത്. വിവിധ ഇനങ്ങളിൽ പെട്ട 50 ടൺ ഈത്തപ്പഴങ്ങളാണ് മേളയിൽ പ്രദർശിപ്പിച്ചത്.
ഇന്നുച്ചയ്ക്ക് 3 മണി മുതൽ വൈകീട്ട് 10 മണി വരെ മേള പ്രവർത്തിക്കുമെന്ന് സംഘാടകർ അറിയിച്ചു. തോട്ടങ്ങളിൽ നിന്നും ഇടനിലക്കാരില്ലാതെ നേരിട്ട് എത്തിക്കുന്നതിനാൽ വൻ വിലക്കുറവാണ് മേളയിൽ അനുഭവപ്പെടുന്നത്. കിലോയ്ക്ക് എട്ട് ഖത്തർ റിയാൽ മുതൽ പതിനഞ്ച് ഖത്തർ റിയാൽ വരെയാണ് വിവിധ ഇനങ്ങൾക്ക് വില നിശ്ചയിച്ചിട്ടുള്ളത്.
